పుష్ప 2 సుకుమార్ చెప్పిన విశేషాలు

సుకుమార్ – అల్లు అర్జున్ కాంబోలో వచ్చిన ‘పుష్ప’ పాన్ ఇండియా స్థాయిలో అదరగొట్టిన సంగతి తెలిసిందే. ఇప్పుడీ ఈ సినిమా సీక్వెల్ పుష్ప 2 కోసం ప్రేక్షకులు ఆసక్తిగా ఎదురు చూస్తున్నారు. అదే సమయంలో పుష్ప 2 అప్ డేట్ ఇవ్వాలని డిమాండ్ చేస్తున్నారు. ఆదివారం రాత్రి జరిగిన 18 పేజెస్ ప్రీ రిలీజ్ వేడుకలో అభిమానుల కోరిక తీర్చేశారు బన్నీ, సుకుమార్. పుష్ప 2 కు సంబంధించిన కొన్ని విశేషాలు ప్రేక్షకులతో పంచుకున్నారు.

ముందుగా మాట్లాడిన సుకుమార్ పుష్ప 2 షూటింగ్ ప్రారంభమైంది. ఇటీవలే ఐదు రోజుల పాటు షూటింగ్ కూడా చేశాం. అద్భుతంగా వచ్చింది. బన్నీ బాగా కష్టపడుతున్నారు. ప్రతి ఎక్స్ ప్రెషన్ అద్భుతంగా రావడానికి శ్రమిస్తున్నాడని చెప్పుకొచ్చారు. ఆకాశమంతా ఎత్తులో పుష్ప 2 ఉంటుందని హింట్ ఇచ్చారు. ఇక పుష్ప 2 గురించి బన్నీ మాట్లాడుతూ.. అన్ని చెప్పేయాలని ఉంది. కానీ ఇప్పుడు ఏమి చెప్పలేను. కానీ ఒక్కటి చెప్పగలను. పుష్ప 2 విషయంలో అస్సలు తగ్గేదెలా.. అన్నారు.