తీవ్ర ఒత్తిడిలో మెగాస్టార్
ఇద్దరు స్టార్ హీరోల సినిమాలు ఏకకాలంలో రిలీజ్ అవుతున్నాయంటే ? అభిమానుల మధ్య పోటీ సర్వసాధారణం. ఇక అది మెగాస్టార్ చిరంజీవి, నటసింహం నందమూరి బాలకృష్ణ అయితే… పైగా సంక్రాంతి సీజన్ లో ఢీకొంటే.. ఆ పోటీ, పోలిక భయానకం. ఇప్పుడు వీరసింహారెడ్డి, వాల్తేరు విషయంలో ఇలాంటి పోటీ నెలకొంది. ఫస్టు లుక్కూ.. పిక్కూ.. సాంగ్.. ట్రైలర్.. ప్రీ రిలీజ్ బిజినెస్.. ఇలా ప్రతి విషయంలోనూ కంపేరిజన్ చేస్తున్నారు.
ఈ పోటీలో ఇప్పటి వరకు బాలయ్యదే పై చేయిగా అనిపిస్తుంది. సాంగ్స్.. రెండు సినిమాల్లో సో సో గానే అనిపించాయి. అయితే శుక్రవారం రిలీజైన వీరసింహారెడ్డి ట్రైలర్ అదిరిపోయింది. హై వోల్టేజ్ యాక్షన్, అదిరిపోయే డైలాగ్స్ తో ట్రైలర్ బ్లాక్ బస్టర్ హిట్ అయింది. ప్రస్తుతం ట్రెండింగ్ టాప్ లో కొనసాగుతుంది. ట్రైలర్ తోనే బాలయ్య అభిమానులు కాలరెగిరేస్తున్నారు. ఇప్పుడు ఇదే మెగా అభిమానులను టెన్షన్ పెడుతుంది.
ఈ సాయంత్రం వాల్తేరు వీరయ్య ట్రైలర్ రాబోతుంది. దీంతో వీరసింహారెడ్డి ట్రైలర్ తో వీరయ్య ట్రైలర్ ను పోల్చి చూడటం గ్యారంటీ. యాక్షన్ లో బాలయ్యకు చిరు ఏమాత్రం తీసుపోరు. కామెడీ టైమింగ్, డ్యాన్సుల్లో ఇంకాస్త మెరుగే. కాకపోతే.. వీరసింహారెడ్డి డైలాగులు వీర లెవల్లో ఉన్నాయి. మరీ.. వీరయ్య ఆ రేంజ్ లో డైలాగ్స్ కొట్టాడా ? అన్నది ఇప్పుడు ప్రశ్న. కథ-కథనాలు కూడా వీరసింహారెడ్డిలో ఆసక్తికరంగా అనిపించాయి. క్రాక్ మేజిక్ రిపీట్ కాబోతుంది అనిపించింది. ఈ నేపథ్యంలోనే మెగాస్టార్, ఆయన అభిమానుల్లో కాస్త టెన్షన్ కనబడుతుంది.
