నిర్మాతగా మారిన ‘ఆర్ఎక్స్100’ దర్శకుడు

‘ఆర్ఎస్100’ తో ప్రతిభ ఉన్న దర్శకుడు అనిపించుకున్నాడు అజయ్ భూపతి. ఆ తర్వాత ఆయన చేసిన ‘మహాసముద్రం’ మంచి సినిమా అనిపించుకున్నా.. కమర్షియల్ గా పెద్దగా ఆడలేదు. ఆయన మూడో సినిమాకు కూడా విభిన్నమైన కథను ఎంచుకున్నట్లు తెలుస్తోంది.

‘మంగళవారం’ టైటిల్ తో తెరకెక్కుతున్న ఈ చిత్రానికి అజయ్ భూపతి నిర్మాణ భాగస్వామిగా మారారు. స్వాతి గణపతి, సురేష్ వర్మ తో కలిసి ఈ చిత్రాన్ని నిర్మిస్తున్నారు. దర్శకత్వం బాధ్యతలు కూడా అజయ్ భూపతినే నిర్వహిస్తున్నారు. తాజాగా ఈ సినిమా ఎనౌన్స్ మెంట్ వచ్చింది. పాన్ ఇండియా సినిమా తెరకెక్కనుంది. ఫస్ట్ లుక్ ను చాలా డిఫరెంట్ గా డిజైన్ చేశారు.

ఈ సినిమాలో హీరో – హీరోయిన్ ఎవరు ? ఇతర కీలక పాత్రల్లో ఎవరు నటిస్తున్నారు. టెక్నికల్ టీమ్ తదితర విషయాలను ఎనౌన్స్ చేయాల్సి ఉంది. ఇక అజయ్ భూపతి కెరీర్ లో తొలి సినిమా ఆర్ ఎక్స్ 100 బ్లాక్ బస్టర్ హిట్ గా నిలవగా.. హాసముద్రం యావరేజ్ అనిపించుకుంది. మరీ.. ఆయన హ్యాట్రిక్ సినిమా మంగళవారం ఏ రకమైన రిజల్ట్ ఇస్తుందో వేచి చూడాలి.