తొలి ఫైట్ కు ధోని దూరం ?

ఐపీఎల్-2023 ప్రారంభానికి ముందు చెన్నై సూపర్ కింగ్స్, ధోని అభిమానులకు బ్యాడ్ న్యూస్. రేపట్నుంచి ఐపీఎల్ షురూ కానున్న సంగతి తెలిసిందే. మెగా టోర్నీలో తొలి ఫైట్ ఢిపెండింగ్ ఛాంపియన్స్ గుజరాత్ టైటాన్స్, చెన్నై సూపర్ కింగ్స్ మధ్య జరగనుంది. అయితే ఈ మ్యాచ్ లో ధోని ఆడే అవకాశాల్లేవని సమాచారం. 

నెట్స్ లో ప్రాక్టీస్ చేస్తుండగా.. ధోనీ ఎడమ కాలికి బంతి బలంగా తాకింది. దాంతో గాయమైన ధోనీని మేనేజ్మెంట్ హాస్పిటల్ కి తరలించారు. ఈ నేపథ్యంలో రేపు గుజరాత్ తో జరిగే తొలి మ్యాచ్ కు ధోనీ  అందుబాటులో ఉండడని సమాచారం. మరోవైపు గాయం పెద్దదైతే.. మొత్తం టోర్నీ నుంచే ధోని తప్పుకునే ప్రమాదం ఉందని అభిమానులు కంగారు పడుతున్నారు.