#ProjectK కోసం కమల్.. ఏకంగా రూ. 150 కోట్ల రెమ్యూనరేషన్ !
నాగ్ అశ్విన్ డైరెక్షన్ లో పాన్ ఇండియా ప్రభాస్ నటిస్తున్న చిత్రం #ProjectK. ఇదో సైంటిఫిక్ థ్రిల్లర్. బిగ్ బీ అమితాబ్ కీలక పాత్రల్లో నటిస్తున్నారు. ప్రభాస్ కి జంటగా బాలీవుడ్ హీరోయిన్స్ దీపిక పదుకొనె, దిశా పటానీ నటిస్తున్నారు. దాదాపు వెయ్యి కోట్ల బడ్జెట్ తో వైజయంతి మూవీస్ నిర్మిస్తోంది. ఇప్పుడీ.. ఈ సినిమా గురించి ఓ ఆసక్తికర ప్రచారం జరుగుతోంది. ఈ సినిమాలో ఓ కీలక పాత్ర కోసం చిత్రబృందం యూనివర్సల్ హీరో కమల్ హాసన్ ను సంప్రదించారట. అంతేకాదు.. ఏకంగా రూ. 150 కోట్ల రెమ్యూనరేషన్ ఇవ్వబోతున్నట్లు ప్రచారం జరుగుతుంది.
విక్రమ్ సినిమాతో కమల్ హిట్ ట్రాక్ లోకి వచ్చేశారు. ఆయన ఉన్నారంటే సౌత్ లో సినిమాకు మరింత మైలేజీ పెరగడం గ్యారంటీ. బాలీవుడ్, ప్రపంచవ్యాప్తంగా ఆయనకు ఉన్న అభిమానులతో ప్రాజెక్ట్ కె కు మరింత ప్లస్ అవుతుంది. అంతేకాదు.. కమల్ టేకప్ చేశాడంటే.. ఆ పాత్రకు వందకు వంద శాతం న్యాయం చేయగలడు అనే నమ్మకంతో చిత్రబృందం ఉన్నట్లు తెలుస్తోంది.
