భోళా మానియా షురూ !
భోళా మానియా మొదలైపోయింది. మెహర్ రమేష్ డైరెక్షన్ లో మెగాస్టార్ చిరంజీవి నటిస్తున్న మాస్ ఎంటర్టైనర్ ‘భోళా శంకర్’. చిరుకి జంటగా తమన్నా నటిస్తోంది. మెగాస్టార్ చెల్లెలు పాత్రలో కీర్తి సురేష్ కనిపించబోతున్నారు. ఆగస్టు 11న భోళా శంకర్ ప్రేక్షకుల ముందుకు రాబోతున్నారు. ఈ నేపథ్యంలో ప్రమోషన్స్ షురూ చేసిన చిత్రబృందం ఫస్ట్ లిరికల్ ప్రోమో ఒకటి రిలీజ్ చేసింది. పూర్తి సాంగ్ ను ఎల్లుండి (జూన్ 4) విడుదల చేయబోతున్నారు.
ఈ చిత్రానికి మహతి స్వర సాగర్ సంగీతం అందిస్తున్నారు. లెటేస్ట్ ప్రోమోను మాస్ బీట్ తో ప్రజెంట్ చేశారు. మెగాస్టార్ స్టయిలిష్ లుక్ తో సాంగ్ సెట్ బిట్స్, భారీ డ్రమ్స్ తో కలర్ ఫుల్ గా ప్రోమోను వదిలారు. ఇక 4న పూర్తి సాంగ్ తో దుమ్ములేవడం గ్యారంటీ అనిపిస్తుంది. గాడ్ ఫాదర్ తర్వాత మెగాస్టార్ నుంచి వస్తున్న సినిమా ఇది. వాస్తవానికి మెహర్ రమేష్ డైరెక్షన్ లో మెగాస్టార్ సినిమా అంటే అభిమానులు భయపడిపోయారు. కానీ మెగా ఫ్యాన్స్ కు మెహర్ రమేష్ బిగ్ షాక్ ఇవ్వబోతున్నట్లు సమాచారం. సినిమా చాలా బాగా వచ్చిందని టాక్.
