నెల్సన్ తో అల్లు అర్జున్ సినిమా !

కోలీవుడ్ దర్శకుడు నెల్సన్ దిలీప్ కుమార్ ‘జైలర్’ బ్లాక్ బస్టర్ హిట్ తో మళ్లీ ఫామ్ లోకి వచ్చారు. జైలర్ సూపర్ స్టార్ రజనీకాంత్ కెరీర్ లో బిగ్గెస్ట్ హిట్ గా నిలిచిన సంగతి తెలిసిందే. చాన్నాళ్ల తర్వాత దక్కిన ఈ ఘన విజయాన్ని రజనీ, ఆయన ఫ్యాన్స్ గ్రాండ్ గా సెలబ్రేట్ చేసుకున్నారు. ప్రస్తుతం జైలర్ హిట్ కిక్కులో ఉన్న దిలీప్ కుమార్ తన తదుపరి సినిమా ప్లాన్ లో ఉన్నారని సమాచారం. ఐకాన్ స్టార్ అల్లు అర్జున్ తో తన నెక్ట్స్ సినిమా ప్లాన్ చేస్తున్నట్లు సమాచారం. ఇటీవల నెల్సన్ హైదరాబాద్ వచ్చి బన్నీని కలిశారు. ఓ లైన్ ని వినిపించారని తెలుస్తోంది. అది అల్లు అర్జున్ కి కూడా బాగా నచ్చినట్లు తెలుస్తోంది. అతి త్వరలోనే వీరి కాంబోలో సినిమాపై అధికరిక ప్రకటన రావొచ్చని అంటున్నారు.

ప్రస్తుతం బన్నీ ఫోకస్ మొత్తం పుష్ప 2 మీదనే ఉంది. ‘పుష్ప’ బ్లాక్ బస్టర్ హిట్ కావడంతో పాటు.. పాన్ ఇండియా స్థాయిలో క్రేజ్ ని తీసుకొచ్చింది. ఏకంగా జాతీయ అవార్డుని తెచ్చిపెట్టింది. ఈ నేపథ్యంలో పుష్ప 2 కోసం బన్నీ మరింత ఉత్సాహంగా పని చేస్తున్నారు. అయితే బన్నీ తదుపరి సినిమా త్రివిక్రమ్ డైరెక్షన్ లో ఉండనుందని కొద్దిరోజులుగా వార్తలు వినిపిస్తున్నాయి. ఇప్పుడు నెల్సర్ పేరు తెరపైకి వచ్చింది. మరీ.. ఈ ఇద్దరిలో ఐకాన్ స్టార్ తో మొదట ఎవరు సినిమా చేస్తారన్నది చూడాలి.