సీఎం రేవంత్ తో మహేష్ బాబు.. గరుడ లుక్ లీక్.. !!

టాలీవుడ్ సూపర్ స్టార్ మహేష్ బాబు, నమ్రత దంపతులు సోమవారం సీఎం రేవంత్ రెడ్డిని కలిశారు. ముఖ్యమంత్రి సహాయనిధికి రూ.50 లక్షల విరాళం అందజేశారు. ఈ విరాళం రాష్ట్రంలో వరద బాధితుల సహాయార్థం అందించారు. అదనంగా, AMB తరపున మరో రూ.10 లక్షలు విరాళం అందించారు. గత కొన్నాళ్లుగా సినీ, రాజకీయ, వ్యాపార ప్రముఖులు సీఎం రేవంత్ రెడ్డిని కలవడం.. తమ వంతుగా వరద బాధితుల సహాయార్థం విరాళాలు అందించడం సర్వసాధారణం అయిపోయింది.

అయితే ప్రిన్స్ మహేష్ బాబు రాక ఇటు రాజకీయ, అటు సినీ వర్గాల్లోనూ ఆసక్తి రేపింది. ఎందుకంటే.. ? మహేష్ బాబు తదుపరి సినిమా దర్శకధీరుడు రాజమౌళితో ఉండనుంది. ఈ సినిమా టైటిల్ గరుడ అనుకుంటున్నారు. ఇందులో ప్రిన్స్ ఎలా కనపించబోతున్నారు. ఆయన్ని జక్కన్న ఏ రేంజ్ లో చూపించబోతున్నారనే ఆసక్తి నెలకొంది. ఈ క్రమంలో తాజాగా సీఎం ను కలిసిన మహేష్ ను చూసి.. ఆయన అభిమానులు సంబరపడిపోతున్నారు. పోడువాటి జుట్టు, గడ్డం లుక్ లో రాజసం ఉట్టేపడే లా ప్రిన్స్ కనిపించారు. ఫ్యాన్స్ కడుపునింపాడు. ఒకరకంగా చెప్పాలంటే.. గరుడులో మహేష్ బాబు లుక్ దాదాపు రివిల్ చేసినట్టయింది.