#మీటూ : ‘యాక్షన్ కింగ్’ కూడా వేధించాడట !
దేశంలో #మీటూ ఉద్యమం ఉప్పెనలా మారింది. సౌత్‌లో సింగర్ చిన్మయి ఈ ఉద్యమాన్ని ప్రారంభించింది. ఆమె స్వయంగా ఒకరిద్దరిపై లైంగిక వేధింపుల ఆరోపణలు చేసింది. ఇతరు చేసిన ఆరోపణలకు సంపూర్ణ మద్దతు ఇస్తోంది. ఈ క్రమంలో చాలా మంది ముందుకొస్తున్నారు. తమకు ఎదురైన వేధింపులని గురించి చెబుతున్నారు. ఐతే, ఇప్పటి వరకు సౌత్‌లో ప్రముఖ హీరోలపై ఇలాంటి ఆరోపణలు రాలేదు. మొట్టమొదటిసారి యాక్షన్ కింగ్ అర్జున్ పై ఇలాంటి ఆరోపణలొచ్చాయ్.
సీనియర్ హీరో అర్జున్ తనని లైంగికంగా వేధించాడని న్నడ నటి శ్రుతీ హరిహరన్‌ ఆరోపించింది. ద్విభాషా చిత్రం ‘నిబుణన్‌’ (కన్నడలో ‘విస్మయ’) సెట్స్‌లో నాతో అసభ్యంగా ప్రవర్తించారు. ఒక పాట సన్నివేశంలో అర్జున్ నన్ను గట్టిగా హత్తుకుని, అభ్యంతరకరంగా నన్ను తడిమారని తెలిపింది. ఇప్పుడు #మీటూ ఉద్యమం బలంగా తయారైంది.. అందుకే తాను ఎదుర్కొన్న వేధింపులని బయటపెట్టానని చెప్పుకొచ్చింది. దీనిపై అర్జున్ ఇంకా స్పందించలేదు.
