విహారి ప్రేమ వివాహం
యువ క్రికెటర్ హనుమ విహారి ఓ ఇంటివాడు కాబోతున్నాడు. తన స్నేహితురాలు ప్రీతిరాజ్‌తో ఆదివారం అతనికి నిశ్చితార్థం జరిగింది. హైదరాబాద్‌లోని హోటల్‌ ఆవాసలో ఈ వేడుక జరిగింది. ఈ వేడుకకి అతికొద్ది మంది అతిథితులు మాత్రమే హాజరయ్యారు.
కుటుంబ సభ్యులు, సన్నిహితులు, రంజీ క్రికెటర్లు, కొద్ది మంది ప్రముఖుల మధ్య విహారి, ప్రీతి ఉంగరాలు మార్చుకున్నారు. వీరిది ప్రేమ వివాహమని తెలిసింది. వచ్చే యేడాదిలో ఈ జంట పెళ్లి పీఠలు ఎక్కనుంది.
ఆస్ట్రేలియాలో 2012లో జరిగిన అండర్-19 ప్రపంచ క్రికెట్ కప్ గెలిచిన భారత జట్టులోని ఏకైక తెలుగు సభ్యుడు విహారి. ఇంగ్లాండ్‌తో సిరీస్‌లో టీమ్‌ఇండియా తరపున టెస్టుల్లో అరంగేట్రం చేసి.. అదరగొట్టాడు. ఈ ఒక్కటెస్టుతోనే భవిష్యత్ పై ఆశలు చిగురించేలా చేశాడు.
