‘టాక్సీవాలా’ స్వీడు పెంచాడు
యూత్ మెగాస్టార్ విజయ్ దేవరకొండ పట్టిందల్లా బంగారమే. అర్జున్ రెడ్డి, గీత గీవిందం సినిమాలతో వరుస బ్లాక్ బస్టర్ హిట్ కొట్టాడు. స్టార్ హీరోల లిస్టులో చేరిపోయాడు. ఈ రెండు సినిమాల తర్వాత విజయ్ నుంచి రావాల్సిన ‘టాక్సీవాలా’ వాయిదా పడుతూ వచ్చింది. ఇప్పుడీ సినిమాకు విడుదల భాగ్యం కలిగింది. నవంబర్ 16న విడుదల తేదిని ప్రకటించారు. ఇప్పుడు ప్రమోషన్స్ కూడా మొదలెట్టారు. ఏకంగా విజయ్ రంగంలోకి దిగాడు. ‘మాట వినదుగా..’ ప్రోమో సాంగ్ ని ఈ నెల 26న విడుదల చేయనున్నట్టు ట్విట్టర్ ద్వారా తెలిపాడు. దీంతో.. టాక్సీవాలా రాక ఖాయమని తెలిసిపోయింది.
మరోవైపు, ఈ సినిమాపై నిర్మాతలు ఆశలు వదులుకొన్నారు. ఇప్పటికే సినిమా మొత్తం లీకవ్వడం, అనుకొన్న రేంజ్ లో సినిమా రాకపోవడమే ఇందుకు కారణమనే ప్రచారం జరుగుతోంది. అదే సమయంలో టాక్సీవాలాని విజయ్ టేకప్ చేశాడు. మొత్తం సినిమానే కొనేశాడు. నోటా తర్వాత వెంటనే మరో ప్లాప్ పడకుండా టైం చూసుకొని విడుదల చేస్తున్నాడని చెబుతున్నారు. సినిమా ఎలా ఉన్నా.. విజయ్ కి ఉన్న క్రేజ్ దృష్ట్యా సినిమా ప్రారంభ కలెక్షన్స్ అదిరిపోతాయని చెబుతున్నారు. అదీ చూడాలి టాక్సీవాలా స్వీడెంత ? అనేది.
#MaateVinadhuga#Taxiwaala arrives Nov16. pic.twitter.com/eYe2wMGROb
— Vijay Deverakonda (@TheDeverakonda) October 24, 2018
