సూపర్ స్టార్స్ పై హీరోయిన్ ఎటాక్ !

సూపర్ స్టార్స్ పై యంగ్ హీరోయిన్ శ్రద్దా శ్రీనాథ్ ఎటాక్ చేయడం ఇండస్ట్రీలో హాట్ టాపిక్ గా మారింది. #మీటూ ఉద్యమంపై సూపర్ స్టార్స్ మౌనాన్ని ఆమె సూటిగా ప్రశ్నించింది. ఇప్పటివరకు #మీటూపై గట్టిగా స్పందించిన స్టార్ హీరో లేడు. బాలీవుడ్ లో అమితాబ్, కోలీవుడ్ లో రజనీకాంత్, కమల్ హాసన్ స్పందించినా.. సూచనలకే పరితమయ్యారు. టాలీవుడ్ లో ఇంతవరకు ఏ స్టార్ హీరో నోరు తెరవలేదు. తెరుస్తారనే నమ్మకం కూడా లేదు. కన్నడలోనూ ఇదే పరిస్థితి. ఇప్పుడీ పరిస్థితి శ్రద్దా కపూర్ సూటిగా ప్రశ్నించింది.

“తల్లిని, అక్కాచెల్లళ్లని వేధించే విలన్‌ ల బెండు తీస్తారు. అవసరమైతే భారీ ట్రక్కులను కూడా అవలీలగా గాల్లో ఎగిరిలే చేస్తారు. ఐతే, ఇవన్ని కేవలం 70 ఎమ్‌ఎమ్‌ స్ర్కీన్‌ మీద మాత్రమేనా. ఇప్పుడు రియల్ లైఫ్ లో కూడా ఆ మ్యాజిక్‌ చూపించండి. ప్లీజ్‌ సూపర్‌స్టార్స్‌ ఇప్పటికైనా మాట్లాడండి. నేను మీ స్పందన ఏంటో తెలుసుకోవాలని ఎదురు చూస్తున్న” అంటూ శ్రద్ధ ట్వీట్‌ చేశారు.
ఒక్క మాటలో చెప్పాలంటే స్టార్ హీరోలు దమ్ము చూపించడని.. ఆ దమ్ము చూపించాలని ఉందని సవాల్ విసిరింది శ్రద్ద శ్రీనాథ్.

ఈ కన్నడ బ్యూటీ ‘యూటర్న్’తో ఫేమస్ అయిపోయింది. ప్రస్తుతం అక్కడ బిజీ హీరోయిన్ గా కొనసాగుతోంది. తమిళ్ లోనూ పలు సినిమాల్లో నటించింది. తెలుగులో ఇంత వరకు సినిమా చేయలేదు. తెలుగు యూటర్న్ లో మొదట శ్రద్దా శ్రీనాథ్ పేరు వినిపించింది. ఐతే, తెలుగు యూటర్న్ పై సమంత ఇష్టపడీ మరీ చేసిన సంగతి తెలిసిందే.