‘మహాకూటమి’లో చిచ్చుపెట్టిన కాంగ్రెస్ తొలి జాబితా !
తెలంగాణ కాంగ్రెస్ 65 మందితో కూడిన అభ్యర్థుల తొలి జాబితాని విడుదల చేసిన సంగతి తెలిసిందే. ఇప్పుడీ జాబితా మహాకూటమిలో చిచ్చు పెట్టినట్టు కనబడుతోంది. టీజెఎస్, సీపీఐ ఆశిస్తున్న కొన్ని స్థానాల్లో కాంగ్రెస్ అభ్యర్థులని ప్రకటించింది. కొత్త గూడెం, మునుగోడు స్థానాలని సీపీఐ ఆశిస్తోంది. ఆ రెండు స్థానాల్లోనూ అభ్యర్థులని ప్రకటించింది టీ-కాంగ్రెస్. ఇక, టీజె ఎస్ ఆసిస్తున్న రామగుండం సీటు కాంగ్రెస్ ఖాతాలోకి వెళ్లింది. ఈ నేపథ్యంలో టీజెఎస్, సీపీఐ కాంగ్రెస్ తీరుపై మండిపడుతున్నాయి.
మొదటి నుంచి సీపీఐ మహాకూటమిపై అసంతృప్తితో ఉంది. ఆ పార్టీ 5 స్థానాలని డిమాండ్ చేసినా.. 3 మాత్రమే సీట్లు మత్రమే ఇచ్చింది. కనీసం ఇంకో సీటైనా ఇవ్వాల్సిందేనని సీపీఐ పట్టుబడుతూ వస్తోంది. ఇంతలో సీపీఐ ఆశిస్తున్న కొత్త గూడెం, మునుగోడు స్థానాలని కాంగ్రెస్ తన ఖాతాలో వేసుకోవడంతో.. ఆ పార్టీ మండిపడుతోంది. ఆ పార్టీ జాతీయ నేతలు ఈ రోజు సమావేశం కానున్నారు. ఈ సమావేశంలో మహాకూటమిపై కొనసాగే విషయంపై నిర్ణయం తీసుకోనున్నారు. టీజెఎస్ పరిస్థితి కూడా దాదాపు ఇదే.
