‘ఇండియన్ 2’లో సల్మాన్, శింభు కూడా.. !
శంకర్ దర్శకత్వంలో కమల్ హాసన్ హీరోగా ప్రేక్షకుల ముందుకొచ్చిన ‘భారతీయుడు’ బ్లాక్ బస్టర్ హిట్ గా నిలిచింది. ఇప్పుడీ సూపర్ హిట్ సినిమాకి సీక్వెల్ రాబోతుంది. ఇటీవలే సినిమా ప్రారంభోత్సవం జరుపుకొంది. ఈ నేపథ్యంలో ఈ సినిమాకు సంబంధించి ఆసక్తికరమైన విషయాలు బయటికొస్తున్నాయి. ఇందులో మలయాళ యంగ్ హీరో సల్మాన్ దుల్కర్ ని కీలక పాత్రలో నటించబోతున్నారనే ప్రచారం జరుగుతోంది. ఆయనతో పాటు కోలీవుడ్ యంగ్ హీరో శింభు ని తీసుకొన్నారంట.
దీనిపై అధికారిక ప్రకటన రావాల్సి ఉంది. ఈ పొలిటికల్ థ్రిల్లర్‌’లో కమల్ సరసన కాజల్ జతకట్టనుందని చెబుతున్నారు.
సీక్వెల్ లో సమకాలీన రాజకీయ వ్యవస్థలోని లోతుపాతుల్ని చూపించబోతున్నాడట శంకర్. ఈ సినిమా రెగ్యులర్‌ షూటింగ్‌ త్వరలో ప్రారంభం కానుంది. ఇక, శంకర్ దర్శకత్వంలో తెరకెక్కిన సూపర్ స్టార్ రజనీకాంత్ 2.ఓ ఈనెల 29న ప్రేక్షకుల ముందుకు రానుంది. ఇందులో బాలీవుడ్ స్టార్ అక్షయ్ కుమార్ విలన్ గా నటించారు. ఎమీ జాక్సెన్ హీరోయిన్. లైకా ప్రొడక్షన్స్ నిర్మించింది
