రాజమౌళి నెక్ట్స్ టార్గెట్ మహేష్ !

దర్శకధీరుడు రాజమౌళి సూపర్ స్టార్ మహేష్ బాబుని నెక్ట్స్ టార్గెట్ గా పెట్టుకొన్నారు. ప్రభాస్ మాదిరిగా మహేష్’ని ఇంటర్నేషనల్ స్టార్ ని చేయాలనే ప్లాన్ లో ఉన్నాడు. ఇందులో భాగంగా మహేష్ ని బాలీవుడ్ కి పరిచయం చేయబోతున్నాడు జక్కన్న. తారక్, చరణ్ ల మల్టీస్టారర్ #ఆర్ఆర్ఆర్ ని సోమవారమే (నవంబర్ 19) సెట్స్ మీదకు తీసుకెళ్లారు. ఈ మల్టీస్టారర్ ని బాహుబలి రేంజ్ లో తెలుగు, తమిళ్, హిందీ బాషల్లో విడుదల చేసేందుకు ప్లాన్ చేసుకొన్నాడు. 2020లో #ఆర్ఆర్ఆర్ ప్రేక్షకుల ముందుకు రానుంది.

ఈ సినిమా తర్వాత రాజమౌళి మహేష్ తో ఓ సినిమా చేయబోతున్నాడట. ఈ సినిమాతో మహేష్’ను బాలీవుడ్‌కు పరిచయం చేయాలని భావిస్తున్నారట. దీన్ని తెలుగుతోపాటు హిందీ భాషల్లోనూ రూపొందించనున్నట్లు చెబుతున్నారు. ఇప్పటికే ఎన్టీఆర్, ప్రభాస్, రామ్ చరణ్, సునీల్, రవితేజ.. లకి బ్లాక్ బస్టర్ హిట్స్ ఇచ్చాడు జక్కన. ఇప్పుడు నెక్ట్స్ టార్గెట్ గా మహేష్ ని పెట్టుకొన్నాడు. ఆయన్ని ఏకంగా ఇంటర్నేషనల్ స్టార్ చేయబోతున్నాడు.చూస్తుంటే తెలుగు హీరోలు ప్రభాస్, తారక్, రామ్ చరణ్, మహేష్.. సినిమాలన్నీ బాలీవుడ్ లోనూ విడుదల అయ్యే విధంగా వీరిని రాజమౌళి రెడీ చేసేలా కనిపిస్తున్నాడు.

ప్రస్తుతం మహేష్ ‘మహర్ష్’ సినిమాతో బిజీగా ఉన్నారు. వంశీపైడిపల్లి దర్శకత్వంలో తెరక్కెకుతోన్న చిత్రమిది. పూజా హెగ్డే హీరోయిన్. ఇందులో మహేష్ మూడు డిఫరెంట్ షేడ్స్ ఉన్న పాత్రలో కనిపించబోతున్నట్టు సమాచారమ్. ఈ సినిమా వచ్చే యేడాది వేసవిలో ప్రేక్షకుల ముందుకు తీసుకు రానున్నారు. ఈ సినిమా తర్వాత సుకుమార్ దర్శకత్వంలో మహేష్ సినిమా ఉండనుంది. ఆ తర్వాత మహేష్ తో రాజమౌళి సినిమా ఉండే అవకాశాలున్నాయి.