వేసవిలో మహేష్ ఒకే ఒక్కడు

వచ్చే యేడాది వేసవిలో టాలీవుడ్ బాక్సాఫీస్ ఫైటు రంజుగా ఉండబోతుందని భావించారు. మూడు భారీ సినిమాలు వేసవిలో విడుదల కావాల్సి ఉంది. మెగాస్టార్ చిరంజీవి ‘సైరా’, సూపర్ స్టార్ మహేష్ బాబు ‘మహర్షి’, యంగ్ రెబల్ స్టార్ ‘సాహో’ వేసవి రిలీజ్ ప్లాన్ చేసుకొన్నాయి. ఐతే, వీటిలో సైరా, సాహో వేసవికి రావడం లేదు. ఈ రెండు సినిమాలు కూడా ఒకే రోజు ఆగస్టు 15న విడుదల కాబోతున్న ప్రచారం జరుగుతోంది. ఇదే నిజమైతే మహేష్ ఒకే ఒక్కడు వేసవిలో వినోదాన్ని పంచబోతున్నాడు.

వంశీపైడిపల్లి దర్శకత్వంలో ‘మహర్షి’ తెరకెక్కుతోంది. ఇదో మహేష్ 25వ చిత్రం కావడం విశేషం. ఇందులో మహేష్ మూడు విభిన్న షేడ్స్ ఉన్న పాత్రలో కనిపిస్తారని చెబుతున్నారు. బాలీవుడ్ చిత్రం త్రి-ఇడియట్ మాదిరిగా మహర్షిగా సినిమా కథ సాగుతుందని చెబుతున్నారు. మహేష్ కి జంటగా పూజా హెగ్డే నటిస్తోంది. అల్లరి నరేష్ కీలక పాత్రలో నటిస్తున్నారు. ఈ చిత్రాన్ని వచ్చే యేడాది ఏప్రిల్ 5న ప్రేక్షకుల ముందుకు తీసుకు రానున్నారు.