రస్మికకి మెగా ఆఫర్

హీరోయిన్ రష్మిక మందనని కోరుకొనే వారి సంఖ్య పెరుగుతోంది. ఇప్పటికే దర్శకధీరుడు రాజమౌళి రస్మిక పై కన్నేసినట్టు చెప్పుకొంటున్నారు. ‘ఆర్ఆర్ఆర్’ మల్టీస్టారర్ కోసం ఆమెని తీసుకోవాలని భావిస్తున్నాడంట. ఇదే నిజమైతే ఎన్టీఆర్, రామ్ చరణ్ లలో ఒకరితో రస్మిక రొమాన్స్ చేయనుంది. ఈ విషయంపై ఈ నెల 12న క్లారిటీ రానుంది. ఆ రోజున (12-12-12) రాజమౌళి ఆర్ఆర్ఆర్ హీరోయిన్స్ ని ప్రకటించనున్నారని చెబుతున్నారు. ఆ లిస్టులో రస్మిక పేరు ఉంటుందేమో చూడాలి.

మరోవైపు, రస్మిక మరో బంపర్ ఆఫర్ కొట్టేసినట్టు సమాచారమ్. మెగా యంగ్ హీరో వరుణ్ తేజ్ తో దర్శకుడు హరీష్ శంకర్ ఓ సినిమా ప్లాన్ చేసుకొన్నాడు. ఇదో తమిళ్ రిమేక్ అని చెబుతున్నారు. ఇందులో హీరోయిన్ గా రస్మికని తీసుకొన్నారంట. మెగా హీరోల వాడకం ఎలాగుంటుంది అన్నది తెలిసిందే. ఒకరి తర్వాత మరొకరు వరుసబెట్టి వాడేస్తుంటారు. కాజల్, రకుల్ ని ఈ రకంగానే వాడేశారు. స్టార్ హీరోయిన్ ని చేసేశారు. ఇప్పుడు రస్మిక వంతు అని చెబుతున్నారు. అందుకే రస్మిక స్టార్ అయిపోయినట్టే.