11’8’లో కళ్యాణ్.. !
హీరో కళ్యాణ్ రామ్’ది రెండు పడవల ప్రయాణం. ఆయన హీరోగా, నిర్మాతగానూ సినిమాలు చేసుకొంటూ వెళ్తుంటారు. ఐతే, ఈ మధ్య నిర్మాతగా సినిమాలు తగ్గించేశారు. ‘జై లవ కుశ’ తర్వాత మరో సినిమాని నిర్మించలేదు. హీరోగా మాత్రం వరుస సినిమాలు చేస్తున్నారు. ఇజం, నా నువ్వే సినిమాలతో ప్రేక్షకుల ముందుకొచ్చారు. ఈ రెండు సినిమాలు కూడా కళ్యాణ్ ని నిరాశపరిచాయి. ఆయన మరో రెండు సినిమాలు లైన్ లోకి తీసుకొచ్చారు.
ఇందులో ప్రముఖ సినిమాటోగ్రఫర్ కెవి గుహన్‌ దర్శకత్వంలో తెరకెక్కనున్న సినిమా ప్రకటన వచ్చేసింది. ఈ సినిమాకు ‘118’ అనే టైటిల్ ని ఫిక్స్ చేశారు. టైటిల్ పోస్టర్ ని కూడా విడుదల చేశారు. టైటిల్ లో నెం. 8లో కళ్యాణ్ రామ్ స్టయిలీష్ లుక్ లో కనిపిస్తున్నారు. కథలో ‘118’ నెంబర్‌కు చాలా ఇంపార్టెన్స్‌ ఉండటంతో అదే టైటిల్‌గా ఫిక్స్ చేశారట. ఇందులో కళ్యాణ్ రామ్ డిఫరెంట్ లుక్ లో కనిపించబోతున్నారు. ఆయనకి జంటగా నివేదా థామస్, షాలినీ పాండేలు జతకట్టనున్నారు.
కళ్యాణ్ నటిస్తున్న మరో సినిమా కూడా ఫిక్సయ్యింది. విరించి వర్మ దర్శకత్వంలో కళ్యాణ్ సినిమా తెరకెక్కనుంది. ఇదో రొమంటిక్ లవ్ స్టోరీ అని తెలిసింది. ఈ సినిమా కోసం సాయి పల్లవిని హీరోయిన్ గా అనుకొంటున్నారు. ఆమె నో చెప్పిందని కూడా చెబుతున్నారు. మరీ.. కళ్యాణ్ లవ్వర్ గా మారేందుకు ఏ హీరోయిన్ ఓకే చెబుతుందన్నది చూడాలి.
#118Movie pic.twitter.com/YnHNCe4B34
— Kalyanram Nandamuri (@NANDAMURIKALYAN) December 3, 2018
