ఎన్టీఆర్ సినిమాలో డజను పాటలా ?
ఎన్టీఆర్ సినిమా నుంచి తొలి పాట వచ్చేసింది. ‘కథానాయక..’ అంటూ సాగే టైటిల్ ట్రాక్ కు మంచి స్పందన వస్తోంది. సినిమాలో మొత్తం డజను వరకు పాటలు ఉన్నాయట. దాంట్లో 4 బిట్ సాంగ్స్ ఉన్నాయని తెలుస్తోంది. దీంతో ఎన్టీఆర్ సినిమాలో సంగీతానికి పెద్దపీఠ వేస్తున్నట్టు అర్థమవుతోంది. ఎన్టీఆర్ బయోపిక్ ని రెండు భాగాలుగా ఎన్టీఆర్-కథానాయకుడు, ఎన్టీఆర్-మహానాయకుడు గా తీసుకొస్తున్నారు. ఐతే, రెండు భాగాల్లో కలిపి డజను పాటలుంటాయా ? లేదంటే.. తొలిభాగంలోనే ఆవన్నీ ఉండబోతున్నాయా ?? అనేది తెలియాల్సి ఉంది.
క్రిష్ దర్శకత్వంలో ఎన్టీఆర్ బయోపిక్ తెరకెక్కుతోంది. ఎన్టీఆర్ పాత్రలో ఆయన తనయుడు బాలకృష్ణ నటిస్తున్నారు. ఆయన సతీమణి బసవతారకమ్మగా బాలీవుడ్ నటి విద్యాబాలన్ కనిపించనున్నారు. శ్రీదేవిగా రకుల్, సావిత్రిగా నిత్యామీనన్, జయసుధగా పాయల్ రాజ్ పుత్, జయప్రదగా హన్సిక, చంద్రబాబు పాత్రలో రానా, ఏఎన్నార్ పాత్రలో సుమంత్ లు కనిపించబోతున్నారు. ఇక, ఈ బయోపిక్ తొలిభాగాన్ని జనవరి 9న, రెండో భాగాన్ని ఫిబ్రవరి 24న విడుదల చేయబోతున్నారు. ఈ చిత్రానికి ఎం.ఎం కీరవాణి సంగీతం అందిస్తున్నారు. ఎన్ బికె ఫిలిమ్స్ , వారాహి ప్రొడక్షన్స్ ,విబ్రి మీడియా సంయుక్తంగా నిర్మిస్తున్నారు.
