కోచ్’కే కెప్టెన్ సపోర్టు

టీ20 ప్రపంచకప్‌ సెమీస్‌ మ్యాచ్‌కు మిథాలీ రాజ్‌ను పక్కన పెట్టడం వివాదాస్పదంగా మారిన సంగతి తెలిసిందే. కోచ్‌ రమేశ్‌ పొవార్‌ వ్యవహార శైలిపై మిథాలీ తీవ్ర వ్యాఖ్యలు చేసింది. తనని కావాలనే టార్గెట్ చేసినట్టు బీసీసీఐకి లేఖ రాసింది. ఈ నేపథ్యంలో పొవార్ కోచ్‌గా కొనసాగడం కష్టమే అనుకున్నారంతా. కోచ్‌గా పొవార్ తాత్కాలిక కాంట్రాక్టు కూడా ముగిసింది. ఈ నేపథ్యంలో కొత్త కోచ్‌ కోసం బీసీసీఐ ఇప్పటికే దరఖాస్తులు కూడా ఆహ్వానించింది. ఐతే, తమనకు పొవారే కోచ్‌గా ఉండాలంటూ కెప్టెన్‌ హర్మన్‌ప్రీత్‌, వైస్‌కెప్టెన్‌ స్మృతి మంధాన బీసీసీఐకి లేఖ రాశారు. దీంతో పొవార్ మరోసారి కోచ్‌ పదవికి దరఖాస్తు చేసుకోవడానికి అవకాశముంది.