ఎంటమ్మా.. హిట్ చేస్తారనుకుంటే.. ! సూపర్ డూపర్ హిట్ చేసేసారమ్మా.. !!
సంక్రాంత్రి విజేతగా నిలిచింది ‘ఎఫ్ 2’. అనిల్ రావిపూడి దర్శకత్వంలో వెంకీ-వరుణ్ తేజ్ ల మల్టీస్టారర్ గా వచ్చిన ‘ఎఫ్ 2’ పండగ పూట ప్రేక్షకులని కడుపుబ్బ నవ్వించింది. నవ్విస్తోంది. బొమ్మ బ్లాక్ బస్టర్ హిట్ అయ్యింది. ఈ నేపథ్యంలో శుక్రవారం హైదరాబాద్ లో ఎఫ్ 2 సక్సెస్ మీట్ ని నిర్వహించిండి చిత్రబృందం.
ఈ సందర్భంగా వెంకీ మాట్లాడుతూ.. ‘ఎంటమ్మా.. హిట్ చేస్తారనుకుంటే సూపర్ డూపర్ హిట్ చేసేసారమ్మా. 10 ఏళ్ళ తర్వాత నేను మళ్ళీ ధియేటర్ కి వెళ్ళాను.అక్కడ రియాక్షన్ చూస్తే కళ్ళలో నీళ్ళు తిరిగాయి. అభిమానుల్లో నిజమైన ఆనందాన్ని చూశాను. వరుణ్ టెర్రిఫిక్. దిల్ రాజు, అనిల్, దేవిశ్రీ, సమీర్… టోటల్ టీం కి థాంక్స్’ చెప్పారు. వెంకీ మాటలని బట్టీ చూస్తే.. ఎఫ్ 2 వెంకీ, ఆయన అభిమానుల పదేళ్ల దాహాన్ని తీర్చినట్టుంది.
