గ్రేట్ : ‘ఎఫ్ 2’ హిట్ లో మహేష్ కు క్రెడిట్ దక్కింది

సంక్రాంత్రికి నాలుగు సినిమాలు ఎన్టీఆర్-కథానాయకుడు, పేట, వినయ విధేయ రామ, ఎఫ్ 2 ప్రేక్షకుల ముందుకొచ్చాయి. వీటిలో ‘ఎఫ్ 2’ సంక్రాంత్రి విజేతగా నిలిచింది. తోడళ్లులు వెంకీ, వరుణ్ తేజ్ లు చేసిన కామెడీని ప్రేక్షకులు ఎంజాయ్ చేస్తున్నారు. బొమ్మ బ్లాక్ బస్టర్ హిట్టయ్యింది. ఈ నేపథ్యంలో శుక్రవారం సక్సెస్ మీట్ ని నిర్వహించింది చిత్రబృందం. ఈ సందర్భంగా సినిమాని విజయవంతం చేసిన ప్రేక్షకులకి చిత్రబృందం కృతజ్ఝతలు తెలిపింది.

ఈ వేదికగా దర్శకుడు అనిల్ రావిపూడి సూపర్ స్టార్ మహేష్ కి స్పెషల్ థ్యాక్స్ చెప్పడం ఆకట్టుకొంది. ‘టీజర్ దగ్గిర నుండీ మమ్మల్ని ఎంతో ఎంకరేజ్ చేస్తూ సూపర్ స్టార్ మహేష్ వేసిన ట్వీట్స్ చాలా కిక్ నిచ్చాయి. సినిమా చూశాక కూడా ట్వీట్స్ పెట్టీ ఈ విజయాన్ని మనఃస్ఫూర్తిగా ప్రోత్సహించిన మహేష్ గారికి #F2 యూనిట్ తరఫున స్పెషల్ థాంక్స్’ చెప్పారు అనిల్ రావిపూడి.

ఇక, ఎఫ్ 2లో వెంకీకి జంటగా తమన్నా నటించింది. వరుణ్ తేజ్ కి జంటగా మెహ్రీన్ నటించింది. అనసూయ ఐటమ్ సాంగ్ లో మెరిసింది. దేవిశ్రీ ప్రసాద్ సంగీతం అందించారు. దిల్ రాజు నిర్మించారు.