థియేటర్స్ లో ‘సర్జికల్ స్ట్రైక్స్ 2’ చూడొచ్చు.. !
ఇటీవలే ప్రేక్షకుల ముందుకొచ్చిన ‘సర్జికల్ స్ట్రైక్స్’ సినిమా సూపర్ హిట్టయింది. సెప్టెంబర్ 29, 2016న భారతదేశం మొదటిసారి
సర్జికల్ స్ట్రైక్స్ నిర్వహించింది. పాక్ బోర్డర్ లోకి చొచ్చుకు వెళ్లి మెరుపుదాడి చేసింది. పఠాన్ కోట్ లోని ఎయిర్ బేస్ మీద ఉగ్రవాదులు దాడులు చేసినందుకు ప్రతీకారంగా ఈ సర్జికల్ స్ట్రైక్స్ నిర్వహించింది.
ఈ సర్జికల్ స్ట్రైక్స్ నేపథ్యంలో తెరకెక్కిన సినిమా ‘యూరీ ది సర్జికల్ స్ట్రైక్‌’. ఈ చిత్రానికి ఆదిత్య ధర్‌ దర్శకత్వం వహించారు. విక్కీ కౌశల్‌, యామి గౌతమ్ ప్రధాన పాత్రల్లో నటించారు. గ‌ణ‌తంత్ర దినోత్స‌వం కానుకగా ప్రేక్షకుల ముందుకొచ్చిన ఈ చిత్రం ప్రశంసలు అందుకొంది. కమర్షియల్ గానూ సూపర్ హిట్టయింది. ఏకంగా రూ.227 కోట్ల రూపాయలు వసూలు చేసింది. ఇప్పటికీ విజయవంతంగా ఆడుతోంది. ఇప్పుడీ సినిమా సీక్వెల్ పై వార్తలొస్తున్నాయి.
భారత్ ప్రభుత్వం మంగళవారం తెల్లవారుజామున మరోసారి పాకిస్థాన్ పై సర్జికల్ స్ట్రైక్స్ నిర్వహించిన సంగతి తెలిసిందే. ఎల్‌ఓసీని దాటి భారత వాయుసేన పాక్ ఉగ్రశిబిరాలను ధ్వంసం చేసింది. ఈ దాడిలో 200 నుంచి 300మంది ఉగ్రవాదులు హతం అయినట్టు భారత్ అంచనా వేస్తోంది. దీంతో పుల్వామా ఉగ్రదాడికి భారత్ ప్రతీకారం తీర్చుకొంది. తాజా సర్జికల్ స్ట్రైక్స్ ని నేపథ్యంలో.. సినిమా తీయాలని ప్రేక్షకుల నుంచి విజ్ఝప్తులు వస్తున్నాయి. సర్జికల్ స్ట్రైక్స్ సినిమా తీసిన చిత్రబృందమే సీక్వెల్ ని ప్లాన్ చేసేలా కనబడుతోంది.
