‘ఆర్ఆర్ఆర్’ కోసం సుద్దాల పాట

ఎన్టీఆర్, రామ్ చరణ్ కథానాయకులుగా రాజ‌మౌళి మల్టీస్టారర్ ‘ఆర్ఆర్ఆర్’ తెరకెక్కుతోన్న సంగతి తెలిసిందే. ఇప్పటికే రెండు షెడ్యూల్స్ పూర్తయ్యాయి. ఇప్పటికీ సినిమా హీరోయిన్స్ ఎవరు ? ఇతర కీలక పాత్రల్లో ఎవరు నటిస్తున్నారు ? అన్నది తెలియరాలేదు. ఈ నేపథ్యంలో రేపు (మార్చి 14)న రాజ‌మౌళి ప్రెస్ మీట్ నిర్వహించబోతున్నారు. సినిమా అప్ డేట్స్ ని మీడియాతో పంచుకోబోతున్నారు. ఈ ఆనందంలో ఉన్న అభిమానులకి ఆర్ఆర్ఆర్ నుంచి మరో గుడ్ న్యూస్ అందించారు కీరవాణి.

హైద‌రాబాద్‌లోని అల్యూమినియం ఫ్యాక్ట‌రీలో ‘ఆర్ఆర్ఆర్’ మ్యూజిక్ సిట్టింగ్స్ జ‌రుగుతున్న సంగతి తెలిసిందే. ఈ విషయాన్ని ఇటీవలే ప్రేక్షకులతో పంచుకొన్నారు కీరవాణి. తాజాగా, ” ‘ఆర్ఆర్ఆర్’ కోసం ప్ర‌ముఖ ర‌చ‌యిత సుద్దాల అశోక్ తేజ గారు పాట రాస్తున్నారు. ఆయ‌న చాలా ఫాస్ట్ అదే స‌మ‌యంలో బ్రిలియంట్ కూడా” అని ట్విట్ చేశారు కీరవాణి. సుద్దాల అద్భుతమైన పాటలు రాయగల సత్తా గల రచయిత. కీరవాణి పొగడ్తలని బట్టి చూస్తే.. ఆర్ఆర్ఆర్ కోసం సుద్ధాల ఓ మంచి పాటని ఇవ్వబోతున్నట్టు తెలుస్తోంది

Suddala Ashokteja garu started writing lyrics for RRR . He is amazingly fast and at the same time brilliant 🙏

— mmkeeravaani (@mmkeeravaani) March 13, 2019