ఐదో వన్డేలోనూ ఆసీస్ విజయం.. సిరీస్ కైవసం !
ఐదో వన్డేలోనూ ఆసీస్ గెలుపొందింది. తద్వారా ఐదు వన్డేల సిరీస్ ని 3-2 తేడాతో ఎగరేసుకుపోయింది. ఫిరోజ్‌ షా కోట్లా వేదికగా జరిగిన ఆఖరి వన్డేలో ఆసీస్ టాస్ గెలిచి మొదటి బ్యాటింగ్ ఎంచుకొంది. నిర్ణీత 50ఓవర్లలో 9 వికెట్ల నష్టానికి 272 పరుగులు చేసింది. ఆసీస్ బ్యాట్స్ మెన్స్ లో ఉస్మాన్ ఖవాజా 100, పీటర్ హాండ్స్‌కాంబ్‌ 52 పరుగులతో రాణించారు. ఆరభంలో ఆసీస్ ఆటగాళ్లు అదరగొట్టారు. ఆ జోరు చూస్తే.. ఆసీస్ ఈజీగా 350పై చిలుకు పరుగులు చేస్తుందని ఆనిపించింది. ఐతే, చివర్లో టపా టపా వికెట్లు పడటంతో 272 పరుగులు మాత్రమే చేసింది.
273 పరుగుల లక్ష్యంతో బరిలోకి దిగిన టీమిండియా.. చానా నీరసంగా ఇన్నింగ్స్ ఆరంభించింది. 237 పరుగులకే కుప్పకూలింది. దీంతో 35 పరుగుల తేడాతో ఓటమిపాలైంది. టీమిండియా బ్యాట్స్ మెన్స్ లో రోహిత్‌ శర్మ 56, భువనేశ్వర్‌ కుమార్‌ 46, కేదార్‌ జాదవ్‌ 44 పరుగులతో రాణించారు. ప్రపంచకప్ కు ముందు ఆఖరి వన్డే, ఆఖరి వన్ డే సిరీస్ ని భారత్ కోల్పోయినట్టయింది.
