మెగాస్టార్ సినిమాలో శృతి విలన్ ?

మెగాస్టార్ చిరంజీవి సినిమా కోసం శృతిహాసన్ పేరు తెరపైకి వచ్చింది. ప్రస్తుతం మెగాస్టార్ ‘సైరా’ సినిమాతో బిజీగా ఉన్నారు. ఈ చిత్రానికి సుధీర్ రెడ్డి దర్శకత్వం వహిస్తున్నారు. దాదాపు రూ. 200కోట్ల బడ్జెట్ తో రామ్ చరణ్ నిర్మిస్తున్నారు. ‘సైరా’ ఈ యేడాదియే ప్రేక్షకుల ముందుకు రానుంది. పక్కా డేటు ఇంకా ఫిక్స్ కాలేదు. ఇక, ఈ సినిమా తర్వాత కొరటాల శివ దర్శకత్వంలో మెగాస్టార్ సినిమా ఉండనుంది. ఈ సినిమా కోసం హీరోయిన్స్ గా నయనతార, అనుష్క, రకుల్, త్రిష.. పేర్లు వినిపిస్తున్నాయి.

తాజాగా శృతిహాసన్ పేరు తెరపైకి వచ్చింది. ఆమె తెలుగు సినిమాలో కనిపించక దాదాపు రెండేళ్లవుతోంది. పవన్ ‘కాటమరాయుడు’ తర్వాత శృతి మరో సినిమాలో కనిపించలేదు. ఈ నేపథ్యంలో మెగాస్టార్ సినిమాలో శృతికి బంపర్ ఆఫర్ అని చెప్పవచ్చు. ఐతే, ఇందులో శృతిని హీరోయిన్ గా అనుకోవడం లేదట. ఓ కీలక పాత్ర కోసం ఆమెని తీసుకొన్నట్టు సమాచారమ్. ఈ మధ్య సినిమాల్లో లేడీ విలన్స్ ని చూపిస్తున్నారు. కోలీవుడ్ హీరోయిన్ వరలక్ష్మీ నెగటివ్ షేడ్స్ ఉన్న పాత్రల్లో నటించి మెప్పించింది.

ఈ నేపథ్యంలో మెగాస్టార్ సినిమాలో శృతి విలన్ గా కనిపించే అవకాశాలు కనిపిస్తున్నాయ్. కొత్తగా కనిపించేందుకు శృతి ఎప్పుడు ఇష్టపడుతుంటుంది. ఇదీగాక, కొరటాల దర్శకత్వంలో వచ్చిన మహేశ్ శ్రీమంతుడులో శృతి హీరోయిన్ గా నటించింది. కొరటాల టాలెంట్ గురించి తెలిసిన శృతి.. ఆయనపై నమ్మకంతో విలన్ గా మారే ఛాన్స్ కనిపిస్తొంది.