నేడు యాదాద్రి లక్ష్మీనరసింహస్వామి కళ్యాణం

తెలంగాణ తిరుపతి యాదాద్రి లక్ష్మీనరసింహస్వామి బ్రహ్మోత్సవాలు ఘనంగా జరుగుతున్నాయి. బ్రహ్మోత్సవాల్లో భాగంగా ఎనిమిదో రోజైన నేడు స్వామివారి కళ్యాణం జరగనుంది. రాత్రి 10గంటలకి స్వామివారి కళ్యాణం జరగనుంది. ఇందుకోసం ఇప్పటికే అధికారులు ఏర్పాట్లు పూర్తి చేసినట్టు తెలిసింది. గుట్ట పైన అభివృద్ధి పనులు జరుగుతున్న కారణంగా.. గుట్ట కింద ప్రభుత్వ పాఠశాల మైదానంలో స్వామివారి కల్యాణం జరగనుంది.

ఇక, ఈ ఉదయం బాలాలయంలో జరిగే పూజల్లో గవర్నర్ నరసింహన్ దంపతులు పాల్గొని ప్రభుత్వం తరపున స్వామి వారికి పట్టు వస్త్రాలను , తలంబ్రాలు సమర్పిస్తారు. స్వామివారి కళ్యాణానికి ముఖ్యమంత్రి కేసీఆర్ వస్తారా.. ? అన్న విషయంలో ఎలాంటి సమాచారం లేదు. లోక్ సభ ఎన్నికలకి అభ్యర్థులని ఖారారు చేసే పనిలో బిజీగా ఉన్న సీఎం కేసీఆర్ యాదాద్రి లక్ష్మీనరసింహస్వామి కళ్యాణానికి హాజరుకాకపోవచ్చని సమాచారమ్.