వెంకీతో వెంకీ.. మల్టీస్టారర్ !

మల్టీస్టారర్ సినిమాలకి కెరాఫ్ అడ్రస్ గా మారారు విక్టరీ వెంకటేష్. ఈ యేడాది ప్రేక్షకుల ముందుకొచ్చిన వెంకీ-వరుణ్ తేజ్ ల మల్టీస్టారర్ ‘ఎఫ్ 2’ సూపర్ హిట్టయింది. అసలైన సంక్రాంత్రి సినిమాగా అనిపించుకొంది. ఏకంగా రూ. 100కోట్ల క్లబ్ లో చేరిపోయింది. ప్రస్తుతం వెంకీ నటిస్తున్న సినిమా కూడా మల్టీస్టారర్ నే. మేనల్లుడు నాగచైతన్యతో కలిసి ‘వెంకీ మామ’ సినిమాలో నటిస్తున్నారు. ఈ చిత్రానికి బాబీ దర్శకుడు. వెంకీ జంటగా పాయల్ రాజ్ పుత్, చైతూకి జంటగా రకుల్ ప్రీత్ సింగ్ నటిస్తున్నారు.

మరోవైపు, వెంకీ మరో మల్టీస్టారర్ కి గ్రీన్ సిగ్నల్ ఇచ్చినట్టు సమాచారమ్. ఈసారి వెంకీ మాస్ మహారాజా రవితేజతో తెరకని పంచుకోబోతున్నట్టు తెలుస్తోంది. వీరిద్దరికి సరిపోయే కథని బిందాస్, ఈడు గోల్డ్‌ ఎహే చిత్రాల దర్శకుడు వీరుపోట్ల రెడీ చేస్తున్నారంట. ప్రస్తుతం చర్చలు జరుగుతున్నాయి. త్వరలోనే ఈ మల్టీస్టారర్ పై అధికారిక ప్రకటన రావొచ్చని చెబుతున్నారు. ఈ చిత్రానికి అనిల్‌ సుంకర నిర్మాతగా వ్యవహరిస్తారు.