సల్మాన్-అలియా జంటగా భన్సాలీ చిత్రం

బాలీవుడ్ స్టార్ హీరోయిన్ నక్క తోక తొక్కినట్టుంది. ఆమె వరుసగా బిగ్ ప్రాజెక్టుల్లో హీరోయిన్ గా ఎంపికవుతోంది. రాజమౌళి మల్టీస్టారర్ #ఆర్ఆర్ఆర్ లో అలియా ఓ హీరోయిన్ గా నటించబోతున్న సంగతి తెలిసిందే. ఇప్పుడు బాలీవుడ్ లో ఓ బంపర్ ఆఫర్ అందుకొంది అలియా. సంజయ్ లీలా దర్శకత్వంలో సల్మాన్ ఖాన్ హీరోగా ఓ సినిమా తెరకెక్కనున్న సంగతి తెలిసిందే. ఈ చిత్రానికి ‘ఇన్‌షా అల్లా’ టైటిల్ ని ఖరారు చేశారు. సినిమాలో హీరోయిన్ గా అలియాని తీసుకొన్నారు.

దీనిపై అలియా సంతోషం వ్యక్తం చేసింది. “నాకు 9యేళ్ల వయసు ఉన్నప్పుడు భన్సాలీ సర్‌ ఆఫీస్‌లోకి అడుగుపెట్టాను. తన తదుపరి సినిమాలో ఆయన నాకు అవకాశం ఇస్తారా ? లేదా ? అని కంగారుపడ్డాను. కానీ ఆ నాటి ఆ కల ఇంతకాలానికి నెరవేరింది. కళ్లు తెరిచే కలలు కనండి అని ఆయన అంటుంటారు. అదే నేను చేశాను. సల్మాన్‌, భన్సాలీ సర్‌ల కాంబినేషన్‌లో మ్యాజిక్‌ ఉంటుంది. ఈ అందమైన ప్రయాణంలో భాగమవ్వాలని ఆతృతగా ఎదురుచూస్తున్నా”నని ట్విట్ చేసింది అలియా.

ఈ సినిమా కూడా 2020లో ప్రేక్షకుల ముందుకు రానుంది. రాజమౌళి మల్టీస్టారర్ #ఆర్ఆర్ఆర్ 2020 జులై 30న ప్రేక్షకుల ముందుకు రాబోతున్న సంగతి తెలిసిందే. ఈ లెక్కన్ 2020లో అలియాకు రెండు మెగా బ్లాక్ బస్టర్స్ హిట్ పడినట్టే.