వైసీపీలో చేరిన మోహన్ బాబు
ప్రముఖ సినీ నటుడు మోహన్ బాబు వైకాపాలో చేరారు. ఈ ఉదయం మోహన్ బాబు హైదరాబాద్‌లోని లోటస్‌ పాండ్‌లో వైకాపా అధినేత జగన్ తో భేటీ అయ్యారు. అనంతరం ఆయన వైకాపాలో చేరారు. మోహన్ బాబుకి జగన్ పార్టీ కండువాకప్పి సాదరంగా పార్టీలోకి ఆహ్వానించారు. ఏపీలో జగన్ గెలుపుకోసం మోహన్ బాబు ఎన్నికల ప్రచారంలో పాల్గొననున్నారు.
జగన్ కుటుంబంతో మోహన్ బాబు కుటుంబానికి బంధుత్వం ఉంది. మోహన్ బాబు పెద్ద కోడలు విరానికా వైఎస్ కుటుంబానికి చెందినది. ఆమె జగన్ కి ప్రత్యక్షంగా సపోర్టు తెలిపింది. జగన్ నా అన్న.. నా రక్తం. ఆయన గెలుపుకోసం కచ్చితంగా ప్రయత్నిస్తామని తెలిపింది. ఆ బంధుత్వంతోనే మోహన్ బాబు కూడా వైకాపా తీర్థం పుచ్చుకొన్నట్టు తెలుస్తోంది.
వైయస్ జగన్ సమక్షంలో వైయస్సార్ కాంగ్రెస్ పార్టీలో చేరిన ప్రముఖ సినీనటుడు మోహన్ బాబు. కండువా కప్పి పార్టీలోకి సాదరంగా ఆహ్వానించిన వైయస్ జగన్#APNeedsYSJagan #VoteForFan pic.twitter.com/FgLvP2rhXt
— YSR Congress Party (@YSRCParty) March 26, 2019
