పవన్ ని కలిసిన గబ్బర్ సింగ్ బ్యాచ్

‘గబ్బర్ సింగ్’ సినిమా పవన్ కళ్యాణ్ కి చాలా ప్రత్యేకమైంది. హీరోగా పవన్ కి పునర్జ్మనిచ్చిన చిత్రమిది. ఈ చిత్రంలోని అంత్యాక్షరి సన్నివేశం విపరీతంగా ప్రజాదరణ పొందిన సంగతి తెలిసిందే. ఈ సన్నివేశంలో కనిపించే నటులని గబ్బర్ సింగ్ బ్యాచ్ గా పిలుస్తుంటారు పవన్ అభిమానులు. ఈ బ్యాచ్ అంటే పవన్ కు అభిమానం. ఇందులో ఉన్నవారు అందరూ పవన్ భక్తులు కూడా.

ఇప్పుడీ గబ్బర్ సింగ్ బ్యాచ్ పవన్ ని కలిసింది. మంగళగిరిలోని జనసేన పార్టీ కార్యాలయంలో మంగళవారం ఉదయం వారు పవన్‌ను కలిశారు. తమ అభిమాన నటుడైన పవన్‌ కల్యాణ్‌ నేతృత్వంలోని జనసేన పార్టీ వచ్చే ఎన్నికల్లో విజయం సాధించాలని తాము కోరుకుంటున్నట్లు వారు తెలిపారు. ఈ సందర్భంగా దిగిన ఫోటో సోషల్ మీడియాలో వైరల్ అవుతోంది.