అమిత్ షా ఏపీ పర్యటన షెడ్యూల్ ఖరారు

ప్రధాని నరేంద్ర మోడీ ఇప్పటికే రెండు సార్లు తెలుగు రాష్ట్రాల్లో ఎన్నికల ప్రచారంలో పాల్గొన్నారు. ఇప్పుడు అమిత్ షా వచ్చింది. తాజాగా ఏపీలో అమిత్ షా షెడ్యూల్ ఖరారైంది. ఈ నెల 4 అమిత్ షా ఏపీకి రానున్నారు. విశాఖలో ఎన్నికల ప్రచారంలో పాల్గొననున్నారు. మర్రిపాలెం, కంచరపాలెం మెట్ట తదితర ప్రాంతాలలో అమిత్ షా రోడ్‌ షోలు నిర్వహించనున్నారు.

ఎన్నికల నోటిఫికేషన్ తర్వాత అమిత్ షా ఏపీకి రావడం ఇదే తొలిసారి. టీడీపీ టార్గెట్ గా అమిత్ షా ఎన్నికల ప్రచారం కొనసాగేలా ఉందని తెలుస్తోంది. ఇప్పటికే అమిత్ షా ఎన్నికల ప్రచారనికి ఏర్పాట్లు పూర్తి చేశామని ఆ పార్టీ నేతలు తెలిపారు. ప్రత్యేక హోదా ఇవ్వని బీజేపీపై ఏపీ ప్రజలు ఆగ్రహంతో ఉన్నారు. ఆ ఆగ్రహాన్ని ఎన్నికల్లో చూపిస్తే.. ఏపీలో బీజేపీకి ఒక్క సీటు కూడా రావడం కష్టమే.