మహర్షి టీజర్ టాక్

ఎవడైనా ‘నువ్వు ఓడిపోతావ్‌ అంటే’ గెలిచి చూపించడం నాకు అలవాటు అంటున్నారు సూపర్ స్టార్ మహేష్ బాబు. వంశీ పైడిపల్లి దర్శకత్వంలో ఆయన కథానాయకుడిగా నటించిన చిత్రం ‘మహర్షి’. ఉగాధి కానుకగా ఈ సినిమా టీజర్ ని విడుదల చేసింది చిత్రబృందం. ఇందులో మహేష్‌బాబు చాలా స్టైలిష్‌గా కనిపించారు. “సక్సెస్‌లో ఫుల్‌స్టాఫ్‌లు ఉండవు. కామాస్‌ మాత్రమే ఉంటాయి”, “సక్సెస్‌ ఈజ్‌ నాట్‌ ఏ డెస్టినేషన్‌.. సక్సెస్‌ ఈజ్‌ ఏ జర్నీ” అంటూ మహేష్‌ చెప్పిన డైలాగ్స్ ఆకట్టుకుంన్నాయి. రిషి సక్సెస్ స్టోరీయే ‘మహర్షి’ సినిమా అని టీజర్ తో అర్థమవుతోంది. రిషి ప్రయాణం ఎక్కడి నుంచి, ఎక్కడి వరకు సాగిందో తెరపైనే చూడాల్సిందే.

టీజర్ లో మహేష్ వన్ మేన్ షో కనిపించింది. రిషి కాన్ఫిడెన్స్, కమిట్ మెంట్ ని మాత్రమే చూపించారు. గ్లామర్ మిస్సయింది. అదే హీరోయిన్ కనిపించలేదు. సినిమాలో మహేష్ స్నేహితుడిగా నటిస్తున్న అల్లరి నరేష్ కి టీజర్ లో చోటు దక్కలేదు. ఇందులో మహేష్ మూడు డిఫరెంట్ గెటప్స్ లో కనిపించబోతున్నాడు. కాలేజీ స్టూడెంట్, బిజినెస్ మేన్, రైతు గా కనిపిస్తాడు. ఇప్పటికే కాలేజీ స్టూడెంట్
, బిజినెస్ మేన్ లుక్స్ ని చిత్రబృందం విడుదల చేశారు. టీజర్ లోనూ ఆ రెండు పాత్రలనే చూపించారు. రైతుగా మహేష్ లుక్ ని ఇంకా సప్రైజ్ లోనే పెట్టారు. ఆ పాత్రని చూపిస్తే.. అల్లరి నరేష్ ని చూపించాల్సి ఉంటుంది. అందుకే రైతుని ఇంకా దాచారేమో !

ఈ చిత్రానికి దేవిశ్రీప్రసాద్‌ సంగీతం సమకూరుస్తున్నారు. ఈ చిత్రాన్ని దిల్ రాజు – అశ్వినీదత్ – పివిపి సంయుక్తంగా నిర్మిస్తున్నారు.
దాదాపు చిత్రీకరణ పూర్తి చేసుకున్న ఈ సినిమాను వచ్చే నెల 9న చిత్రాన్ని ప్రేక్షకుల ముందుకు తీసుకొస్తున్నారు.