‘చిత్రలహరి’ మంచి డేటు మిస్ !

ఎన్నికల హడావుడి, ఐపీఎల్ హంగామా.. ఇది సినిమాలకి అన్ సీజన్ అనే ప్రచారం జరుగుతోంది. దాదాపు రెండు నెలల నుంచి మంచి సినిమాలే కరువయ్యాయి. ఈ యేడాది సంక్రాంత్రి సినిమా ‘ఎఫ్ 2’ తర్వాత.. మరో మంచి సినిమా రాలేదు. కళ్యాణ్ రామ్ ‘118’ ఓ మోస్తరుగా ఆడింది. ఈ నేపథ్యంలో ప్రేక్షకులు ఓ మంచి సినిమా కోసం ఎదురు చూస్తున్నారు. అలాంటి సమయంలో ఏప్రిల్ 5న ప్రేక్షకుల ముందుకొచ్చిన ‘మజిలీ’ని ఎగబడి చూస్తున్నారు. హిట్ టాక్, పోటీలో మరో సినిమా లేకపోవడంతో మజిలీ పంట పండుతోంది.

వాస్తవానికి ‘చిత్రలహరి’ సినిమా కూడా ఏప్రిల్ 5 న ప్రేక్షకుల ముందుకు రావాల్సి ఉంది. ఓ వైపు ఎన్నికల హడావుడి, మరోవైపు ఐపీఎల్ హంగామా దృష్టిలో పెట్టుకొని చిత్రలహరిని ఓ వారం వెనక్కి తీసుకొస్తున్నారు. ‘మజిలీ’ పోటీలో ఉండటం కూడా చిత్రలహరి వెనక్కి వెళ్లడానికి ఓ కారణం. ఐతే, ఏప్రిల్ 5న మజిలీ తో పాటు చిత్రలహరి వచ్చినా నష్టమేమీ ఉండేది కాదు. సినిమా ఏమాత్రం బాగున్నా మంచి కలెక్షన్స్ దక్కేది. మొత్తానికి ఏప్రిల్ 5 న మంచి డేటుని చిత్రలహరి చిత్రబృందం మిస్ చేసుకొంది. ఏప్రిల్ 12 కూడా మంచి డేటే. ఎందుకంటే ? పోటీలో మజిలీ ఒక్క సినిమాయే ఉంది. మజిలీ సినిమా చూసిన ప్రేక్షకులు కొత్త సినిమా చూడాలంటే.. చిత్రలహరి ఒకట్టే ఆప్షన్ మరీ.. !