టీడీపీకి జై కొట్టిన సమంత
హీరోయిన్ సమంత టీడీపీ సపోర్ట్ చేయడం హాట్ టాపిక్ గా మారింది. టీడీపీ రేపల్లె అభ్యర్థి అనగాని సత్యప్రసాద్ ని సపోర్టు చేస్తూ సామ్ ఓ వీడియో విడుదల చేసింది. “నేను మీ సమంత. మన రేపల్లె మన అన్నగారు.. అభివృద్ధికి ఓటేయండి. అనగాని సత్య ప్రసాద్ గారిని అత్యధిక మెజారిటీతో గెలిపించండి. సైకిల్ గుర్తుకే మీ ఓటు” అంటూ సామ్ కోరింది.
ఇంతకీ సామ్ సత్య ప్రసాద్ కు ఎందుకు సపోర్టు చేసినట్టు ? ఈ ప్రశ్ననే ఓ అభిమాని సామ్ అడిగారు. దీనికి సామ్ సమాధానం ఇస్తూ… “ఆయన మా ఫ్యామిలీ ఫ్రెండ్. వ్యక్తిగతంగా నేను ఆయనకు సపోర్ట్ చేస్తున్నా. ఆయన చాలా మంచి వ్యక్తి. ఆయన సోదరి డాక్టర్ మంజుల నాకు బాగా తెలుసు. నేను హైదరాబాద్ వచ్చినప్పటి నుండి పరిచయం ఉంది. అందుకే మద్దతు ఇస్తున్నా’ అంది.
నాగార్జున పరోక్షంగా వైకాపాకు మద్దతునిస్తున్నట్టు కనిపిస్తోంది. ఆయన ఒకట్రెండు సార్లు జగన్ కలిశారు. ఇండస్ట్రీలో నాగ్ జగన్ మనిషే అనే ముద్రపడిపోయింది. అలాంటింది నాగ్ కోడలు టీడీపీని సపోర్టు చేయడం. ఏకంగా సైకిల్ గుర్తుకి ఓటెయండని ఓ వీడియో విడుదల చేయడం.. పొలిటికల్ సర్కిల్స్ లో హాట్ టాపిక్ గా మారింది. మరీ.. సామ్ సపోర్ట్ చేసిన సత్యప్రసాద్ గెలుస్తాడో.. ? లేదో ?? చూడాలి.
#VoteForCycle 🚲@Samanthaprabhu2 ✌🏻 pic.twitter.com/NCcM0RaET4
— Aryღ™🕉️ (@AryaVj_) April 9, 2019
