ఖుష్బూకు చేదు అనుభవం
సీనియర్ హీరోయిన్, ఏఐసీసీ అధికార ప్రతినిధి ఖుష్బూకు చేదు అనుభవం ఎదురైంది. బుధవారం బెంగళూరులో నిర్వహించిన ఓ ర్యాలీలో కాంగ్రెస్‌-జేడీఎస్‌ కూటమి నేత రిజ్వాన్‌ అర్షద్‌కు మద్దతు తెలిపేందుకు ఖుష్బూ వెళ్లారు. ఈ నేపథ్యంలో ఆమె తన వాహనం వైపు నడుస్తుండగా ఓ వ్యక్తి వెనక నుంచి ఖుష్బూ పట్ల అసభ్యంగా ప్రవర్తించాడు. దాంతో ఆమె సదరు వ్యక్తి చెంప చెళ్లుమనిపించారు.
ఆ వెంటనే పోలీసులు అప్రమత్తమై.. ఆ వ్యక్తిని పక్కకు లాగేశారు. ఈ ఘటనకి సంబంధించిన వీడియో సోషల్ మీడియా వైరల్ గా మారింది. దీనిపై రిజ్వాన్‌ స్పందించ్చారు. నిందితుడిపై చర్యలు తీసుకోవాలని పోలీసులను కోరినట్లు తెలిపారు. ఖుష్భూ రియాక్ట్ అయిన తీరుపట్ల అందరు సంతోషం వ్యక్తం చేస్తున్నారు. ఆకతాయికి ఆమె గట్టిగా బుద్ది చెప్పిందని కామెంట్స్ చేస్తున్నారు.
This is called Kapala Moksha in Kannada. @khushsundar slapped a man who tried to misbehave with her while campaigning for Bengaluru Central Candidate. Even few lady reporters who are subjected to this kind of harassment should learn from Kushboo. #LokSabhaElections2019 pic.twitter.com/v5ZuFDTTZa
— Sagay Raj P (@sagayrajp) April 10, 2019
