ఏపీలో భారీగా పోలింగ్

ఆంధ్రప్రదేష్ లో ఎన్నికల పోలింగ్‌ ముగిసింది. రాష్ట్రంలోని 175 అసెంబ్లీ, 25 లోక్‌సభ నియోజకవర్గాల్లో ఈ ఉదయం 7 గంటలను నుంచి సాయంత్రం 6 గంటల వరకు పోలింగ్‌ కొనసాగింది. విజయనగరం, విశాఖ, తూర్పుగోదావరి జిల్లాల్లోని ఏజెన్సీ ప్రాంతాల్లో సాయంత్రం 4 గంటలకే పోలింగ్‌ను ముగించారు. నిర్ణీత సమయంలోపు క్యూలైన్లలో చేరినవారికి ఓటు వేసే అవకాశం కల్పించారు.
ఎండ ప్రభావం ఎక్కువగా ఉండటంతో ఉదయం, సాయంత్రం వేళలో ఓటర్లు పోలింగ్ కేంద్రానికి క్యూ కట్టారు.

ఏపీలో అత్యధిక పోలింగ్ శాతం నమోదయ్యేలా ఉంది. సాయంత్రం 5గంటల వరకు దాదాపు 60శాతంపైగా పోలింగ్ నమోదైనట్టు తెలుస్తోంది. ఈవీఎంలు మొరాయించడంతో ఇంకా కొన్ని చోట్ల ఓటర్లు భారీ సంఖ్యలో క్యూలో నిలబడ్డారు. ఈ నేపథ్యంలో ఓటింగ్ శాతం ఇంకా పెరగనుంది. మొత్తంగా 68శాతంపైగా పోలింగ్ నమోదయ్యేలా కనిపిస్తోంది.