‘ఆర్.ఆర్.ఆర్’లో ప్రభాస్ కనిపిస్తాడా ? వినిపిస్తాడా ??
ఎన్టీఆర్‌, రామ్‌ చరణ్‌ కథానాయకులుగా రాజమౌళి మల్టీస్టారర్ ‘ఆర్.ఆర్.ఆర్’ తెరకెక్కుతోన్న సంగతి తెలిసిందే. అల్లూరి సీతారామారాజు, కొమరం భీమ్ ల కథ ఇది. వీరిద్దరిలోని కామన్ పాయింట్ ని తీసుకొని కథని రెడీ చేసినట్టు రాజమౌళి తెలిపారు. అల్లూరి సీతా రామరాజుగా చరణ్‌, కొమరం భీమ్‌గా తారక్‌ కనిపించనున్నారు.
ఈ సినిమాలో ప్రభాస్ కూడా సందడి చేయబోతున్నారట. తెలుగులో అల్లూరి, కొమరం పాత్రల్ని వెండితెరపై ఆయన వాయిస్‌ ఓవర్‌తోనే పరిచయం చేయబోతున్నట్లు ప్రచారం జరుగుతోంది. మరోవైపు, ఈ సినిమాలో ప్రభాస్ అతిథి పాత్రలో కనిపించబోతున్నాడనే ప్రచారం జరుగుతోంది. ఈ వదంతులు నిజమైతే.. తారక్‌, చరణ్‌, ప్రభాస్ ఒకే తెరపై చూడొచ్చు.
ఈ ప్రాజెక్టు నుంచి హాలీవుడ్ హీరోయిన్ డైసీ ఎడ్గార్‌జోన్స్‌ వైదొలిగిన తర్వాత ఆమె పాత్రలో సరిపోయే నటి కోసం దర్శక, నిర్మాతలు చూస్తున్నారు. నిత్యా మేనన్‌ పేరు పరిశీలనలో ఉన్నట్లు సమాచారం. ఇక, ఈ చిత్రానికి ఎమ్‌.ఎమ్‌. కీరవాణి సంగీతం అందిస్తున్నారు. దాదాపు రూ. 400కోట్ల బడ్జెట్ తో డివివి దానయ్య నిర్మిస్తున్నారు. వచ్చే ఏడాది జులై 30న ఆర్ ఆర్ ఆర్ ని ప్రేక్షకుల ముందుకు తీసుకొస్తున్నారు.
