త్రివిక్రమ్-బన్నీ సినిమాలో.. ఇద్దరు ప్లాప్ హీరోలు !

బన్నీ-త్రివిక్రమ్ కాంబినేషన్ హ్యాట్రిక్ సినిమా రాబోతున్న సంగతి తెలిసిందే. శనివారం ఈ సినిమా ప్రారంభోత్సవం ఘనంగా జరిగింది. ఈ నెల 24 నుంచి సినిమా రెగ్యూలర్ షూటింగ్ మొదలుకానుంది. ఇందులో ఇద్దరు ప్లాప్, చిన్న హీరోలు నటించబోతున్నారు. హీరో నాగార్జున మేనల్లుడు సుశాంత్, నవదీప్ లు ఇద్దరూ కనిపించబోతున్నారు.

హిట్టు లేక సుశాంత్ మొహం వాచిపోయింది. ఐతే, ఈ మధ్య ‘చి ల సౌ’ చక్కని విజయాన్ని అందుకొన్నారు. ఇక, నవదీప్ గురించి తెలిసిందే. ఆయన్ని హీరోగా ప్రేక్షకులు దాదాపు మరిచిపోయారు. ఇపుడు వీరికి త్రివిక్రమ్ అవకాశం ఇచ్చారు. ఈ సినిమాలో పప్పుసుద్ద టైపు క్యారెక్టర్ ఒకటి వుందట. అది సుశాంత్ కు ఇచ్చారు.

మరి నవదీప్ ఏం క్యారెక్టర్ చేస్తున్నాడో ఇంకా బయటకు రాలేదు. త్రివిక్రమ్ సినిమాల్లో వుండే రావురమేష్, సునీల్, రాజేంద్రప్రసాద్ వీళ్లంతా మామూలే. అయితే శ్రీనివాసరెడ్డిని వదిలేసినట్లున్నారు. కొత్తగా రాహుల్ రామకృష్ణ వచ్చి టీమ్ లో చేరాడు. ఈ సినిమాలో పూజా హెగ్డే హీరోయిన్ గా ఆమె తల్లి పాత్రలో టబు కనిపించనుంది.