నాని హీరోయిన్’ని టార్గెట్ చేసిన సమంత ఫ్యాన్స్

హీరోయిన్ శ్రద్ధా శ్రీనాథ్‌ పై సమంత ఫ్యాన్స్ మండిపడుతున్నారు. నాని ‘జెర్సీ’ సినిమాతో తెలుగు తెరకు పరిచయం కానుంది కన్నడ హీరోయిన్ శ్రద్దా శ్రీనాథ్. జెర్సీ ఈ వారమే ప్రేక్షకుల ముందుకు రానుంది. ఈ సినిమా ట్రైలర్ అదిరిపోయేలా ఉండటంతో సినిమాపై భారీ అంచనాలు నెలకొన్నాయి. ఇక, ఈ సినిమా ప్రమోషన్స్ లో పాల్గొన్న శ్రద్ధా శ్రీనాథ్‌ సమంత ఫ్యాన్స్ ని గెలికింది.సమంత ‘యూటర్న్’ కన్నడ రిమేక్ అన్న సంగతి తెలిసిందే. మాతృకలో శ్రద్ధా శ్రీనాథ్‌ హీరోయిన్ గా నటించింది. దీంతో.. మీరు సమంత యూటర్న్ సినిమాని చూశారా ? అనే ప్రశ్న ఎదురైంది. దీనికి ఆమె షాకింగ్ సమాధానం చెప్పింది. ‘సమంత నటించిన ‘యూ టర్న్’ సినిమాను పూర్తిగా చూద్దామని ప్రయత్నించా. కానీ అరగంటకు మించి చూడలేకపోయా. ఎందుకంటే నా పాత్రలో మరొకరిని ఊహించుకోలేకపోయా. అవును.. నేను చాలా పొసెస్సివ్‌గా ఉంటా’నని చెప్పుకొచ్చింది. దీంతో.. సమంత ఫ్యాన్స్ ఆమె టార్గెట్ చేస్తూ కామెంట్స్ చేస్తున్నారు. తనకన్నా సీనియర్ అయిన సామ్ ని గౌరవించాల్సిన ఇంగితజ్ఞానం లేదని తిడుతున్నారు.