‘వెంకీ.. ఆవకాయ’లాంటోడు !
విక్టరీ వెంకటేష్ ని ఇష్టపడని తెలుగు ప్రేక్షకుడు ఉండడు. ఆయన ఆవకాయలాంటోడు అన్నారు నేచురల్ స్టార్ నాని. ఆయన హీరోగా గౌతమ్ తిన్ననూరి దర్శకత్వంలో తెరకెక్కిన చిత్రం ‘జెర్సీ’. ఈ వారమే (ఏప్రిల్ 19) ప్రేక్షకుల ముందుకు రానుంది. ఆదివారం హైదరాబాద్ లో ఈ సినిమా ప్రీ-రిలీజ్ ఫంక్షన్ ఘనంగా జరిగింది. ఈ వేడుకకి విక్టరీ వెంకటేష్ ముఖ్య అతిథిగా హాజరయ్యారు.
ఈ సందర్భంగా మాట్లాడిన నాని వెంకీ గురించి చాలా గొప్పగా చెప్పారు. వెంకీ ఆవకాయలాంటోడు. ఆయన్ని నచ్చని తెలుగు ప్రేక్షకుడు ఉండడు. ఆయన సినిమా ఫంక్షన్ కి వెళ్లాలనే కోరిక ‘బాబు బంగారం’ సినిమాతో తీరింది. నా సినిమా ఫంక్షన్ కి ఆయన రావాలనే కోరిక జెర్సీతో తీరింది. ఇక, వెంకీతో కలిసి నటించాలనే కోరిక మాత్రమే మిగిలింది. అది కూడా త్వరలోనే తీరుతుందన్నారు నాని.
