పంజాబ్ పుంజుకొంది

పంజాబ్‌ పుంజుకుంది. ఐదే విజయాన్ని సాధించింది. ప్లేఆఫ్‌ రేసులో వెనుకబడుతున్న దశలో కీలక విజయం సాధించింది.
మంగళవారం ఆసక్తికరంగా సాగిన మ్యాచ్‌లో రాజస్థాన్ రాయల్స్ ని ఓడించింది.

మొదటి బ్యాటింగ్ చేసిన పంజాబ్‌ 6 వికెట్లకు 182 పరుగులు చేసింది. కేఎల్‌ రాహుల్‌ (52; 47 బంతుల్లో 3×4, 2×6), డేవిడ్‌ మిల్లర్‌ (40; 27 బంతుల్లో 2×4, 2×6) రాణించారు. ఆఖర్లో అశ్విన్‌ 17 (4బంతుల్లో) నాటౌట్‌ మెరిశాడు.

183 పరుగుల లక్ష్యంతో బరిలోకి దిగిన రాయల్స్‌.. నిర్ణీత ఓవర్లలో 7 వికెట్లు కోల్పోయి 170 పరుగులే చేసింది. రాహుల్‌ త్రిపాఠి (50; 45 బంతుల్లో 4×4) టాప్‌స్కోరర్‌. రవిచంద్రన్‌ అశ్విన్‌ (2/24), మురుగన్‌ అశ్విన్‌ (1/24) ప్రత్యర్థికి కళ్లెం వేశారు. అశ్విన్‌ కు ‘మ్యాన్‌ ఆఫ్‌ ద మ్యాచ్‌’ అవార్డు దక్కింది.