‘చిత్రలహరి’ సక్సెస్ మీట్’లో పవన్ ?
విజయం ఇచ్చే కిక్కే వేరబ్బా. హీరో సాయిధరమ్ తేజ్ భాషలో చెప్పాలంటే ఫోన్ మ్రోగుతూనే ఉంటుంది. ఇప్పుడీ కిక్కులోనే ఉన్నాడు తేజు. వరుసగా ఆరు ప్లాపుల తర్వాత ‘చిత్రలహరి’ సినిమాతో దక్కిన విజయాన్ని ఎంజాయ్ చేస్తున్నాడు. వరుసగా సక్సెస్ మీట్ ని నిర్వహిస్తున్నారు. సమ్మర్ మెగా విజయం చిత్రలహరి సక్సెస్ మీట్ రేపు (శుక్రవారం) గ్రాండ్ గా నిర్వహించబోతున్నారు. ఈ విషయాన్ని చెబుతూ చిత్రబృందం ఓ పోస్టర్ ని వదిలింది. ఇందులో తేజు హిట్ దక్కిన ఆనందంతో కనిపిస్తున్నాడు.
సక్సెస్ మీట్ ఎక్కడ అనేది పోస్టర్ లో పేర్కొనలేదు. బహుశా.. ఇంకా వేదిక ఖరారు కానట్టుంది. అంతేకాదు.. ఈ సక్సెస్ మీట్ కి పవర్ స్టార్ పవన్ కళ్యాణ్ రావొచ్చని చెబుతున్నారు. ఈ విషయంలో క్లారిటీ వచ్చాక.. సక్సెస్ మీట్ వేదిక, పవన్ రాకని ఖరారు చేస్తూ మరో పోస్టర్ ని విడుదల చేయొచ్చని సమాచారమ్. ఇప్పటికే పవన్ చిత్రలహరి సినిమాని చూసేశాడు. తేజుని అభినందించారు. తనకి ఖుషి మాదిరిగా.. తేజుకి చిత్రలహరి సినిమా అవుతుందని అన్నట్టు టాక్. నిజంగా చిత్రలహరి సక్సెస్ మీట్ లో పవన్ పాల్గొంటే.. ఈ సినిమాకు మరింత మైలేజ్ వచ్చినట్టే.
కిషోర్ తిరుమల దర్శకత్వంలో చిత్రలహరి తెరకెక్కింది. కళ్యాణి ప్రియదర్శిన్, నివేథా పేతురాజు హీరోయిన్స్ గా నటించారు. దేవిశ్రీ ప్రసాద్ సంగీతం అందించారు. మైత్రీ మూవీస్ నిర్మించింది. కేవలం రూ. 10కోట్ల లోపు బడ్జెట్ తోనే చిత్రలహరిని తీసుకొచ్చారు. ఈ మొత్తం మొదటి మూడు రోజుల్లోనే తిరిగొచ్చేసింది. ఆపై వసూళ్లన్నీ లాభాల క్రిందే లెక్క. తక్కువలో తక్కువ చిత్రలహరి రూ. 30కోట్లకిపైగా నే వసూలు చేసేలా ఉందని ట్రేడ్ వర్గాల సమాచారమ్. టాక్ తో సంబంధం లేకుండా సినిమా ప్రేక్షకుడికి కనెక్ట్ అవ్వడం కలిసొచ్చింది.
Summer Mega Vijayam #ChitralahariSuccessMeet tomorrow from 7 PM ❤️😍@IamSaiDharamTej @kalyanipriyan #Nivetha @Mee_Sunil @vennelakishore @ThisIsDSP #KishoreTirumala @SonyMusicSouth @vamsikaka pic.twitter.com/wr7ZiE4HIU
— Mythri Movie Makers (@MythriOfficial) April 18, 2019
