అఫీషియల్ : త్రివిక్రమ్ బర్త్ డే గిఫ్ట్’గా పవన్ ఫస్ట్ లుక్
త్రివిక్రమ్ దర్శకత్వంలో తెరకెక్కుతోన్న పవర్ స్టార్ పవన్ కళ్యాణ్ 25వ సినిమా ఫస్ట్ లుక్ కోసం అభిమానులు ఆతృతగా ఎదురు చూస్తున్నారు. దీపావళీ కానుకగా పవన్ ఫస్ట్ లుక్ వస్తుందని ఆశపడ్డారు. కానీ, నిరాశే ఎదురైంది. ఇప్పుడు దర్శకుడుత్రివిక్రమ్ బర్త్ డే (నవంబర్ 7)న పవన్ ఫస్ట్ లుక్ ని రిలీజ్ చేయనున్నారు. ఈ మేరకు చిత్రబృందం అధికారిక ప్రకటన చేస్తూ.. ఓ పోస్టర్ ని కూడా రిలీజ్ చేసింది.
ఈ చిత్రంలో విక్టరీ వెంకటేష్ గెస్ట్ పాత్రలో మెరవనున్నట్టు సమాచారమ్. గతంలో పవన్-వెంకీలు కలిసి నటించిన ‘గోపాల గోపాల’ సూపర్ హిట్టయ్యింది. మళ్లీ ఇన్నాళ్ల తర్వాత పవన్-వెంకీలు తెరను పంచుకోనున్నారు. వెంకీ కనిపించే ఒకట్రెండు సన్నివేశాల సీన్ సినిమాకే హైలైట్ గా నిలుస్తుందని చెబుతున్నారు.
ఈ చిత్రంలో పవన్ సరసన కీర్తి సురేష్, అనుఇమ్మాన్యూయేల్ లు జతకట్టనున్నారు. సంగీతం దేవిశ్రీ ప్రసాద్. రాథాకృష్ణ నిర్మాత. ఈ చిత్రాన్ని వచ్చే యేడాది సంక్రాంతి కానుకగా జనవరి 10న ప్రేక్షకుల ముందుకు తీసుకురానున్నారు.
