‘మహర్షి’ తర్వాతే ‘అర్జున్ సురవరం’ విడుదల
యంగ్ హీరో నిఖిల్ తాజా చిత్రం ‘అర్జున్ సురవరం’ మరోసారి వాయిదా పడింది. మే 1న అర్జున్ సురవరం ప్రేక్షకుల ముందుకు రావాల్సి ఉంది. ఐతే, డిస్ట్రిబ్యూటర్స్ కోరిక మేరకు ఈ చిత్రాన్ని మరోసారి వాయిదా వేశారు. సూపర్ స్టార్ మహేష్ ‘మహర్షి’ మే 9న ప్రేక్షకుల ముందుకు రానుంది. ఆ తర్వాతే అర్జున్ సురవరంని విడుదల చేస్తామని చిత్రబృందం ప్రకటించింది.
ఈ సినిమా విడుదలకి వాయిదాకు సంబంధించి డిస్ట్రిబ్యూటర్లు ఓ ప్రకటనను విడుదల చేశారు.” ‘అవెంజర్స్‌: ఎండ్‌ గేమ్’, తదితర సినిమాలు విడుదల అవుతున్న క్రమంలో మా సినిమాను ప్రదర్శించలేని పరిస్థితి ఏర్పడింది. ప్రత్యేకించి మల్టీప్లెక్స్‌లలో విడుదల చేయడానికి అస్సలు వీలు పడటంలేదు. దాంతో నిర్మాతలను, చిత్రబృందాన్ని సంప్రదించి సినిమాను మరో తేదీన విడుదల చేయాలని కోరాం. ఇందుకు వారూ ఒప్పుకోవడంతో ‘మహర్షి’ విడుదలైన తర్వాతే ఈ సినిమాను విడుదల చేయాలని నిర్ణయించుకున్నాం” అని తెలిపారు.
ఈ చిత్రాని టీఎస్ సంతోష్ దర్శకత్వం వహించారు. నిఖిల్ కి జంటగా లావణ్య త్రిపాఠి నటించింది. ముందుగా ఈ సినిమా కోసం ముద్ర అనే టైటిల్ ని అనుకొన్నారు. అప్పటికే ఈ టైటిల్ ని మరో డబ్బింగ్ చిత్రానికి వాడటంతో.. వివాదం తలెత్తింది. ఫైనల్ గా నిఖిల్ ముద్ర కాస్త అర్జున్ సురవరం గా మారింది.
