కార్తీకేయ సీక్వెల్ డీల్ కుదిరింది

‘స్వామిరారా’ సినిమాతో ట్రాక్ లోకి వచ్చిన నిఖిల్ ని ‘కార్తికేయ’ సినిమా మరో మెట్టెక్కించింది. చందు మొండేటి ఈ సినిమాతోనే టాలీవుడ్ కు దర్శకుడిగా పరిచయం అయ్యాడు. అందుకే ఆ ఇద్దరికీ ఆ సినిమా ప్రత్యేకం. ఆ సినిమాకు సీక్వెల్ చేయాలని ఇద్దరికీ చిరకాలంగా వుంది. ఇప్పటికి అది ఫైనల్ అయింది. త్వరలోనే కార్తికేయ 2 సెట్స్ మీదకు వెళ్లనుంది.

ఈ సినిమా డీల్ రూ.15కోట్లకి కుదిరింది. కార్తికేయ సీక్వెల్ కు నిర్మాతలతో హీరో-డైరక్టర్ కలిసి బడ్జెట్ ఒప్పందం కుదుర్చుకున్నట్లు తెలిసింది. రూ. 15 కోట్లలో సినిమా ఫస్ట్ కాపీ తీసి ఇవ్వాలన్నది అగ్రిమెంట్ గా తెలుస్తోంది. సీక్వెల్ లోనూ నిఖిల్-కలర్ స్వాతి జంటగా నటించనున్నారు. ఈ చిత్రానికి కీరవాణిని సంగీత అందించనున్నారు. మొత్తంగా కాదు.. కథ నచ్చిన కీరవాణి తాను రెండు పాటలు చేసి ఇస్తానని వాలంటరీగా ముందుకు వచ్చినట్లు తెలుస్తోంది. మిగిలిన పాటలు, నేపథ్య సంగీతం ఎవరు అందిస్తారన్నది చూడాలి.