మహేష్.. సరిలేరు నీకెవ్వరూ !

టాలీవుడ్ లో సూపర్ స్టార్ మహేష్ బాబు రేంజ్ ఏంటో తెలిసిందే. ఇప్పుడాయన తన రేంజ్ కి తగిన టైటిల్ ఎంచుకొన్నట్టు తెలిసింది. మహేష్ ‘మహర్షి’ మే 9న ప్రేక్షకుల ముందుకు రానుంది. ఆ తర్వాత అనిల్ రావిపూడి దర్శకత్వంలో మహేష్ సినిమా ఉండనుంది. ఈ సినిమా కోసం దర్శకుడు “సరిలేరు నీకెవ్వరూ” టైటిల్ అనుకొంటున్నారట. ఇంకా మహేష్ ఫైనల్ చేయాల్సి ఉంది.

టైటిల్స్ విషయంలో మహేష్ మూడక్షరాల సెంటిమెంట్ ఫాలో అవుతుంటారు. ఆ సెంటిమెంట్ ని బ్రేక్ చేసిన ‘సీతమ్మవాకిట్లో సిరిమల్లె చెట్టు’ సూపర్ హిట్ అయ్యింది. ‘బ్రహ్మోత్సవం’ అట్టర్ ప్లాప్ గా నిలిచింది. ఇక, ‘భరత్ అను నేను’ బ్లాక్ బస్టర్ హిట్ అయింది. ఈ నేపథ్యంలో మహేష్ మరోసారి తన మూడక్షరాల టైటిల్ సెంటిమెంట్ ని పక్కనపెస్తాడా ? ‘సరిలేరు నీకెవ్వరూ’ టైటిల్ ని ఓకే చేస్తారా.. ? అన్నది ఆసక్తిగా మారింది. ఇక, దర్శకుడు అనిల్ రావిపూడికి ఇంగ్లీష్ టైటిల్స్ బాగా కలిసొస్తాయ్.

ఆయన సినిమా టైటిల్స్ ని (పటాస్, సుప్రీమ్, రాజా ది గ్రేట్, ఎఫ్ 2) చూస్తే పంచ్ డైలాగ్ లా అనిపిస్తాయి. ఐతే, మహేష్ సినిమా కోసం మాత్రం అనిల్ అచ్చ తెలుగు టైటిల్ ‘సరిలేరు నీకెవ్వరూ’ని అనుకొంటున్నారట. ఈ టైటిల్ మహేష్ అభిమానులకి నచ్చేసింది. మహేష్ ఓకే చెబితే ఫైనల్ అయినట్టే. ఈ సినిమాతో లేడీ సూపర్ స్టార్ విజయశాంతి రీ-ఎంట్రీ ఇవ్వబోతున్నారు. మరో సీనియర్ హీరోయిన్ రమ్యకృష్ణ కీలక పాత్రలో నటిస్తారనే ప్రచారం జరుగుతోంది. త్వరలోనే మహేష్26 ప్రారంభం కానుంది.