వ్యూహాం ‘వి’ అయ్యింది !

నాని, సుధీర్ బాబు కథానాయకులుగా ఇంద్రగంటి మోహన్ కృష్ణ సినిమా తెరకెక్కనున్న సంగతి తెలిసిందే. ఈ నెల 26న సినిమా ప్రారంభోత్సవం జరుపుకోవాల్సి ఉంది. అది కాస్త ఈ నెల 29కి వాయిదాపడింది. ఈ సినిమా కోసం ‘వ్యూహాం’ అనే టైటిల్ ప్రచారం జరిగింది. ఫైనల్ గా ఈ సినిమా కోసం ఓ వెరైటీ టైటిల్ ఫిక్స్ చేసినట్లు తెలుస్తోంది. ‘వి’ అనేది టైటిల్. వి అంటే విక్టరీ నో, మరోకటో ? రాను రాను తెలుస్తాయి. గతంలో ‘అ!’ అన్న సినిమాను నాని నిర్మించారు. ఇప్పుడు ‘వి’ అన్న సినిమాలో నటిస్తున్నారు.

వాస్తవానికి ఈ సినిమాలో సుధీర్ బాబు మాత్రమే కథానాయకుడు. నానిది గెస్ట్ రోల్ అనే ప్రచారం జరుగుతోంది. సినిమాపై హైప్ క్రియేట్ చేయడానికి సోలో హీరో సినిమాని మల్టీస్టారర్ గా ప్రమోట్ చేస్తున్నట్టు టాక్. ఇక, ఈ చిత్రంలో నానికి జంటగా అతిథిరావు హైదరి, సుధీర్ బాబుకి జంటగా నివేదా థామస్ జతకట్టనున్నారు. ఇంద్రగట్టి సినిమాల్లో సున్నితమైన వినోదం ఉంటుంది. ఇందులోనూ అలాంటి వినోదమే ఉంటుందట. సినిమా చాలా భిన్నంగా ఉంటుందని చెబుతున్నారు. ఈ చిత్రాన్ని దిల్ రాజు నిర్మించనున్నారు.