‘మహా సముద్రం’లో చైతూ లేడు

‘ఆర్ఎక్స్100’తో బంపర్ హిట్ కొట్టాడు దర్శకుడు అజయ్ భూపతి. ఆయన రెండో సినిమా కోసం ‘మహా సముద్రం’ కథని రెడీ చేసుకొన్నాడు. ఈ కథ కోసం రకరకాల బ్యానర్లు, రకరకాల హీరోల పేర్లు వినిపించాయి. కానీ ఏదీ ఫైనల్ కాలేదు. చివరికి నాగ చైతన్య ‘మహా సముద్రం’ కథని ఓకే చేశాడు. చైతూకి జంటగా సమంతని ఒప్పించే ప్రయత్నంలో భూపతి ఉన్నట్టు ప్రచారం జరుగుతోంది.

అసలు వాస్తవం ఏంటంటే.. ? ‘మహా సముద్రం’తో చైతూ సంబంధమే లేదు. ఆయన ట్రాక్ వేరు. ప్రస్తుతం చైతూ ‘వెంకీమామ’ సినిమా చేస్తున్నాడు. తరువాత మేర్లపాక గాంధీ డైరక్షన్ లో చైతూ సినిమా ఉండనుంది. ఈ చిత్రాన్ని యువి క్రియేషన్స్ నిర్మించనుంది. ఆ తరువాత దిల్ రాజు చైతూ సినిమా ఉండనుంది. ఈ చిత్రానికి కొత్త దర్శకుడు పనిచేస్తారు.

ఈ మూడు సినిమాల మధ్య బంగార్రాజు సినిమాలో చైతూ నటించనున్నాడు. ఇందులో చైతూ నాగ్ మనవడి పాత్రలో కనిపించబోతున్నాడు. ఫైనల్ గా చెప్పేదేంటంటే.. మహా సముద్రం సినిమాకి ఇంకా హీరో ఫైనల్ కాలేదు. అసలు ఈ సినిమాతో చైతూకి సంబంధమే లేదు.