మహర్షి ఫంక్షన్.. ఫ్యాన్ మూమెంట్ !

సూపర్ స్టార్ మహేష్ బాబు అభిమాన గణం గురించి తెలిసిందే. ఆయన్ని ఒక్కసారి చూడాలని. కుదిరితే ఒక్కసారి తాకలని, ఇంకా కుదిరితే ఓ హగ్ ఇవ్వాలని తాపత్రయపడుతుంటారు. బుధవారం జరిగిన మహర్షి ప్రీ రిలీజ్ వేడుకలోనూ ఇదే జరిగింది. వేదికపై మహేష్ మాట్లాడుతుండగా.. ఓ అభిమాని దూసుకొచ్చాడు. మహేష్ తో ఏదో మాట్లాడుతూ ఏమోషన్ అయ్యాడు. ఆ అభిమానికి మహేష్ హగ్ ఇచ్చి పంపించేశాడు. ఆ సీన్ ఫంక్షన్ లో ఉన్నవారికి, టీవీల్లో చూస్తున్న ప్రేక్షకులని ఆకట్టుకొంది.

ఆ తర్వాత కొద్దిసేపటికే మరో అభిమాని మహేష్ దగ్గరికి దూసుకొచ్చే పయత్నం చేశాడు. ఐతే, ఆయన్ని సెక్యూరిటీ సిబ్బంది అడ్డుకొని వెనక్కి తీసుకెళ్లింది. ఆ తర్వాత మహేష్ తన ప్రసంగాన్ని కొనసాగించారు. ‘ఈ పాతిక సినిమాల జర్నీ లో అభిమానులు చూపించిన అభిమానానికి మాటలు రావట్లేదు. చేతులెత్తి నమస్కరిస్తున్నాను. ఈ అభిమానం,ప్రేమ ఇంకో 20 సంవత్సరాలు, 25 సినిమాలకి ఇలాగే ఉండాలని మనఃస్ఫూర్తిగా కోరుకుంటున్నా’ అన్నారు మహేష్.